West Ham ទិញខ្សែបម្រើពី Lyon ក្នុងតម្លៃកំណត់ត្រារបស់ក្លិប

Premier League
August 30th, 2022 (2 years)
568 Views
Share

West Ham United បានប្រកាសពីការចុះហត្ថលេខារបស់ខ្សែបម្រើប្រេស៊ីល Lucas Paqueta លើកិច្ចសន្យារយៈពេល 5 ឆ្នាំ។

កីឡាករវ័យ 25 ឆ្នាំដែលត្រូវបានគេរំពឹងថា នឹងក្លាយជាផ្នែកមួយនៃក្រុមជម្រើសជាតិប្រេស៊ីល ក្នុងព្រឹត្តិការណ៍ World Cup ឆ្នាំនេះ បានចូលរួមពី Lyon។ ដំបូងនឹងត្រូវផ្ដល់ជូន 36.5 លានផោនដែលអាចកើនឡើងដល់ជាង 50 លានផោន បំបែកកំណត់ត្រានៃការចុះហត្ថលេខាជាមួយខ្សែប្រយុទ្ធ Sebastien Haller ដែលមានតម្លៃ 45 លានផោនពី Eintracht Frankfurt កាលពីឆ្នាំ 2019 ។

Paqueta បានចូលរួមជាមួយ Lyon ក្នុងតម្លៃ 20 លានអឺរ៉ូ កាលពីឆ្នាំ 2020 បន្ទាប់ពីចំណាយពេល 18 ខែនៅ AC Milan ។ គេបានស៊ុតបញ្ចូលទី 9 គ្រាប់ និងបញ្ជូន 6 ដងក្នុងការបង្ហាញខ្លួន 35 ប្រកួតនៅក្របខណ្ឌ Ligue 1 កាលពីរដូវកាលមុន។ គេបានស៊ុតបញ្ចូលទីបាន 7 គ្រាប់ក្នុង 33 ប្រកួតសម្រាប់ក្រុមប្រេស៊ីល និងលេងឱ្យ Lyon ទល់នឹង West Ham ក្នុងការប្រកួត Europa League វគ្គ ៨ក្រុមចុងក្រោយកាលពីរដូវកាលមុន ដែលក្រុមរបស់លោក David Moyes ឈ្នះ 4-1 សរុបទាំងពីរជើង។

Paqueta បានស៊ុតបញ្ចូលទីបាន 21 គ្រាប់ និងបញ្ជូន 14 ដង ក្នុងការបង្ហាញខ្លួន 80 ដងរបស់គាត់សម្រាប់ Lyon ។ Paqueta គឺជាកីឡាករទី 8 របស់ West Ham នៅក្នុងទីផ្សារដោះដូរកីឡាករនារដូវក្តៅនេះ។

West Ham មាន 3 ពិន្ទុពីការប្រកួត Premier League 4 លើកដំបូងរបស់ពួកគេ និងធ្វើជាម្ចាស់ផ្ទះទទួលក្រុម Tottenham Hotspur នៅប្រកួតក្រោយ។ ពួកគេ នឹងប្រកួតក្នុងវគ្គចែកពូលនៃពានរង្វាន់ Europa Conference League ៕

អត្ថបទទាក់ទង