Aubameyang សម្រេចការផ្ទេរមកកាន់ Chelsea ពី Barcelona

Premier League
September 2nd, 2022 (3 years)
667 Views
Share

Chelsea បានចុះហត្ថលេខាជាមួយខ្សែប្រយុទ្ធ Pierre-Emerick Aubameyang ក្នុងកិច្ចព្រមព្រៀងតម្លៃ 10.3 លានផោនពី Barcelona និងចុះហត្ថលេខាជាមួយខ្សែបម្រើរបស់ Juventus កីឡាករ Denis Zakaria ក្នុងលក្ខខណ្ឌខ្ចីជើង។

ខ្សែប្រយុទ្ធហ្គាបុង Aubameyang វ័យ 33 ឆ្នាំស៊ុតបញ្ចូលទីបាន 13 គ្រាប់ក្នុងការបង្ហាញខ្លួន 24 លើកសម្រាប់ Barca បន្ទាប់ពីចូលរួមជាមួយក្លិបអេស្ប៉ាញកាលពីខែកុម្ភៈពី Arsenal ។

ខ្សែការពារឆ្វេង Marcos Alonso បានចាកចេញពី Chelsea ដោយការយល់ព្រមគ្នាផ្លាស់ប្ដូរទៅវិញទៅមកជាមួយ Aubameyang ជាមួយនឹងទឹកប្រាក់បន្ថែម។

Chelsea មានជម្រើសក្នុងការចុះហត្ថលេខាជាមួយ Zakaria លើកិច្ចព្រមព្រៀងអចិន្ត្រៃយ៍។ កីឡាករជម្រើសជាតិស្វីសវ័យ 25 ឆ្នាំទើបតែបានចូលរួមជាមួយ Juve ពី Borussia Monchengladbach កាលពីខែមករា។

កិច្ចព្រមព្រៀងសម្រាប់ Aubameyang មានន័យថាប្រធានក្លិប Chelsea លោក Todd Boehly បានចំណាយប្រហែល 270 លានផោនក្នុងទីផ្សារដោះដូរកីឡាករដំបូងរបស់គាត់ ចាប់តាំងពីការទិញក្លិបពីលោក Roman Abramovich ៕

អត្ថបទទាក់ទង