Premier League Preview: ការប្រកួត Everton ទល់នឹង Liverpool ផ្សាយបន្តផ្ទាល់នៅ MyTV

Premier League
September 2nd, 2022 (2 years)
1284 Views
Share

Everton នឹងធ្វើជាម្ចាស់ផ្ទះទទួលក្រុម Liverpool ក្នុងការប្រកួត Premier League នៅថ្ងៃសៅរ៍ ទី 3 ខែកញ្ញា ដែលមានផ្សាយបន្តផ្ទាល់ផ្ដាច់មុខតែមួយគត់នៅលើកញ្ចក់ទូរទស្សន៍ MyTV ចាប់ម៉ោង 6: 25 នាទីល្ងាចតទៅ។

ក្រុមស្ករគ្រាប់ Eveton នៅតែរង់ចាំការទទួលជ័យជម្នះក្នុងលីគដំបូងរបស់ពួកគេនៃរដូវកាលថ្មីនេះ បន្ទាប់ពីទទួលបានលទ្ធផលស្មើ 3 ប្រកួត។ គ្រាប់ជ័យជម្នះនៅនាទីទី 98 របស់ Fabio Carvalho បានជួយ Liverpool ឱ្យទទួលជ័យជម្នះជាប់គ្នាពីរប្រកួត។

ក្រុមរបស់លោក Frank Lampard នឹងបន្តអវត្តមានខ្សែការពារ Mason Holgate, Yerry Mina និង Ben Godfrey ។ ជាមួយគ្នានេះ Andros Townsend ស្ថិតក្នុងបញ្ជីអវត្តមានរយៈពេលវែង។ Abdoulaye Doucoure នៅមិនទាន់ច្បាស់ជាមួយនឹងរបួសភ្លៅ ខណៈ Dominic Calvert-Lewin ក៏ប្រហែលជាមិនទាន់អាចវិលត្រលប់មកវិញនៅចុងសប្តាហ៍នេះដែរ។

សម្រាប់ Liverpool ប្រធានក្រុម Jordan Henderson បានចូលរួមជាមួយខ្សែបម្រើ Alex Oxlade-Chamberlain និង Naby Keita នៅក្នុងបន្ទប់ព្យាបាល។ Thiago Alcantara ក៏អវត្តមានដែរ ចាប់តាំងពីការប្រកួតបើកឆាកចុងសប្តាហ៍ទល់នឹងក្រុម Fulham ។ Diogo Jota បានត្រលប់មកហ្វឹកហាត់វិញនៅថ្ងៃព្រហស្បតិ៍ មុនការប្រកួតនេះ។ Darwin Nunez នឹងត្រឡប់មកវិញបន្ទាប់ពីបញ្ចប់ការព្យួរចំនួន 3 ប្រកួត។ Ibrahima Konate នៅតែមានការសង្ស័យជាមួយនឹងបញ្ហាជង្គង់ ប៉ុន្តែ Joel Matip បានត្រលប់មកកាន់ទីលានវិញពេលប៉ះ Newcastle ។

Everton មិនទាន់ស្គាល់ពាក្យថាឈ្នះនោះទេក្នុងចំណោមការប្រកួតលីគចំនួន 5 លើកដំបូងរបស់ពួកគេចាប់តាំងពីឆ្នាំ 2010 ។ ចំណែក Liverpool ជាក្រុមដែលបានរបូតគ្រាប់បាល់មុន សម្រាប់ 8 ប្រកួតក្នុងចំណោមការជួបគ្នាចំនួន 9 ប្រកួតចុងក្រោយរបស់ក្រុមទាំងពីរ។

នេះអាចជាជម្រើស 11 នាក់ដំបូងរបស់ Everton ដែលអាចប្រើប្រាស់ទម្រង់ 3-4-3
Pickford (អ្នកចាំទី); Tarkowski, Coady, Mykolenko; Patterson, Onana, Iwobi, Vinagre; McNeil, Gray, Gordon

នេះអាចជាជម្រើស 11 នាក់ដំបូងរបស់ Liverpool ដែលអាចប្រើប្រាស់ទម្រង់ 4-3-3
Alisson (អ្នកចាំទី); Alexander-Arnold, Matip, Van Dijk, Robertson; Elliott, Fabinho, Milner; Salah, Firmino, Diaz

ក្រុមការងារនៅ CBS Sport បានទស្សន៍ទាយថា ក្រុមទាំងពីរ នឹងមានគ្រាប់បាល់សរុបលើសពី ៣គ្រាប់ ហើយលទ្ធផលសម្រាប់ការប្រកួតនោះគឺ ៖ Everton 1-3 Liverpool ។

កម្មវិធីផ្សាយបន្តផ្ទាល់សប្ដាហ៍នេះ

-Everton ប៉ះ Liverpool ថ្ងៃសៅរ៍ ទី 3 ខែកញ្ញា ម៉ោង 6:25 នាទីល្ងាច នៅ MyTV
-Spurs ប៉ះ Fulham ថ្ងៃសៅរ៍ ទី 3 ខែកញ្ញា ម៉ោង 8:55 នាទីយប់ នៅ MyTV
-Brighton ប៉ះ Leicester ថ្ងៃអាទិត្យ ទី 4 ខែកញ្ញា ម៉ោង 7:55 នាទីយប់ នៅ CTN
-Man Utd ប៉ះ Arsenal ថ្ងៃអាទិត្យ ទី 4 ខែកញ្ញា ម៉ោង 10:25 នាទីយប់ នៅ CTN ៕

អត្ថបទទាក់ទង