Haaland ស៊ុតលើក្លិបចាស់របស់ខ្លួនយកឈ្នះឱ្យ Man City ខណៈ Chelsea ស្មើ

Premier League
September 15th, 2022 (1 year)
711 Views
Share

គ្រាប់បាល់ស៊ុតបញ្ចូលទីដ៏អស្ចារ្យរបស់ Erling Haaland បានធ្វើឱ្យ Manchester City វាយបកយកឈ្នះលើអតីតក្លិបចាស់របស់ខ្លួន Borussia Dortmund ក្នុងការប្រកួតពានរង្វាន់ Champions League នៅកីឡដ្ឋាន Etihad ។

Man City ត្រូវបាននាមុខក្រុមភ្ញៀវ នៅពេលដែល Jude Bellingham បានតែតបញ្ជូនទីពីបាល់បោះរបស់ Marco Reus នៅនាទីទី 56 ។ ប៉ុន្តែក្រុមរបស់លោក Pep Guardiola បានខិតខំប្រឹងប្រែងរហូតរកបានគ្រាប់បាល់តាមស្មើវិញដោយនៅសល់ 10 នាទីចុងក្រោយនៃការប្រកួត តាមរយៈការស៊ុតពីចម្ងាយយ៉ាងលឿនពីខ្សែការពារ John Stones ។ 4 នាទីក្រោយមក Joao Cancelo បានបញ្ជូនចូលទៅប្រអប់គ្រោះថ្នាក់ ដែល Haaland បានលោតលើកជើងយ៉ាងខ្ពស់ដើម្បីឆ្កឹះបាល់បញ្ចូលទី។ លទ្ធផលចប់ការប្រកួត Man City 2 Dortmund 1 ។

ទន្ទឹមគ្នានេះ លោក Graham Potter បានដឹកនាំ Chelsea ជាលើកដំបូងជាមួយនឹងលទ្ធផលស្មើជាមួយ RB Salzburg នៅក្នុងការប្រកួតមួយផ្សេងទៀត នៃពានរង្វាន់ Champions League ។

អតីតអ្នកចាត់ការរបស់ Brighton បានជ្រើសរើស Raheem Sterling ជាខ្សែបម្រើស្លាប ហើយគេបានស៊ុតកោងចូលជ្រុងជិតបង្គោលទី នៅនាទីទី 48 ។ វាគឺជាទម្រង់លេងដែលប្រសើរឡើងច្រើនពីការចាញ់ Dinamo Zagreb ក្នុងការប្រកួតបើកឆាកពូល E របស់ពួកគេកាលពីសប្តាហ៍មុន។

ប៉ុន្តែក្រុមអូទ្រីសរបស់អ្នកចាត់ការ Matthias Jaissle វាយបកដោយការតាមស្មើនៅនាទីទី 75 ពេល Thiago Silva មិនអាចស្កាត់ការរត់របស់ Noah Okafor ស៊ុតបាល់បញ្ចូលទីពីការបញ្ជូនរបស់ Junior Adamu។

បន្ទាប់ពីការឈ្នះ 3-1 របស់ AC Milan លើ Zagreb ក្រុម Chelsea ស្ថិតនៅបាតតារាងនៃពូល E បន្ទាប់ពីពីរប្រកួត។ ក្រុមតោខៀវ ត្រូវជួបជាមួយក្រុមជើងឯក Serie Aនៅកីឡដ្ឋាន Stamford Bridge នាថ្ងៃទី 6 ខែតុលា៕

អត្ថបទទាក់ទង

Haaland ស៊ុតលើ​ក្លិប​ចាស់​របស់ខ្លួន​យកឈ្នះ​ឱ្យ Man City ខណៈ Chelsea ស្មើ

Haaland ស៊ុតលើក្លិបចាស់របស់ខ្លួនយកឈ្នះឱ្យ Man City ខណៈ Chelsea ស្មើ