Brighton ប្រកាសតែងតាំងអ្នកចាត់ការថ្មីជាផ្លូវការ

Premier League
September 19th, 2022 (2 years)
715 Views
Share

Brighton បានតែងតាំងអតីតអ្នកចាត់ការទូទៅក្លិប Shakhtar Donetsk និងក្លិប Sassuolo លោក Roberto de Zerbi ជាអ្នកអ្នកចាត់ការទូទៅថ្មីរបស់ខ្លួនជាផ្លូវការ។

បុរសជនជាតិអ៊ីតាលីអាយុ 43 ឆ្នាំ បានទំនេរពីការងារ ចាប់តាំងពីចាកចេញពី Shakhtar កាលពីខែកក្កដា ដោយសារតែសង្គ្រាមនៅអ៊ុយក្រែន។

De Zerbi បានចុះហត្ថលេខាលើកិច្ចសន្យារយៈពេល 4 ឆ្នាំនៅកីឡដ្ឋាន Amex ។ គាត់គឺជាជម្រើសដំបូងរបស់ Brighton ដើម្បីជំនួសលោក Graham Potter ដែលបានផ្ទេរទៅ Chelsea ក្នុងខែនេះ។

អតីតខ្សែបម្រើរបស់ Napoli លោក De Zerbi នឹងដឹកនាំ Brighton ទល់នឹង Liverpool នៅកីឡដ្ឋាន Anfield នៅថ្ងៃទី 1 ខែតុលា។

De Zerbi គឺជាអ្នកចាត់ការអចិន្ត្រៃយ៍ទី 3 របស់ Brighton ចាប់តាំងពីលោក Sami Hyypia លាលែងពីតំណែងកាលពីឆ្នាំ 2014 ។ គាត់បានហោះហើរទៅកាន់ប្រទេសអង់គ្លេស កាលពីយប់ថ្ងៃសុក្រ ហើយបានទស្សនាការប្រកួតមិត្តភាពនៅកីឡដ្ឋាន Amex កាលពីថ្ងៃសៅរ៍។

ដោយឈរនៅលេខ 4 នៅក្នុងក្របខណ្ឌ Premier League ក្លិប Brighton មិនទាន់បានប្រកួតចាប់តាំងពីការចាកចេញរបស់ Potter ដោយការប្រកួតជាមួយ Bournemouth និង Crystal Palace ត្រូវបានពន្យារពេល៕

អត្ថបទទាក់ទង

Brighton ប្រកាស​តែងតាំង​អ្នក​ចាត់ការថ្មី​ជាផ្លូវការ

Brighton ប្រកាសតែងតាំងអ្នកចាត់ការថ្មីជាផ្លូវការ