Man City បញ្ជូនអ្នកតាមដានផ្ទាល់ដើម្បីពិនិត្យមើលស្ថានភាពរបស់ Haaland នៅក្រុមន័រវែស

Premier League
September 21st, 2022 (2 years)
732 Views
Share

ក្រុម Manchester City បានបញ្ជូនសមាជិកក្រុមគ្រូពេទ្យរបស់ពួកគេ ទៅកាន់ប្រទេសន័រវែស ដើម្បីជួយតាមដានកាយសម្បទារបស់ Erling Haaland ក្នុងអំឡុងពេលសម្រាកអន្តរជាតិ។

លោក Mario Pafundi ដែលជាគ្រូពេទ្យកាយសម្បទា ត្រូវបានផ្ដល់តួនាទីតាមដានដោយផ្ទាល់ជាមួយ Haaland ចាប់តាំងពីការមកដល់របស់កីឡាករវ័យ 22 ឆ្នាំ។

លោក Stale Solbakken គ្រូបង្វឹកក្រុមជម្រើសជាតិន័រវែសកាលពីថ្ងៃចន្ទបានបញ្ជាក់ថា លោក Pafundi បាននៅជាមួយក្រុមមុនពេលការប្រកួត Nations League ទល់នឹងស្លូវេនី និងស៊ែប។ ក្រុមម្ចាស់ជើងឯក Premier League ធ្លាប់ធ្វើដូចគ្នាជាមួយ Kevin De Bruyne និង Sergio Aguero កាលពីអតីតកាលផងដែរ។

Haaland បានរងរបួសជាច្រើនកាលពីរដូវកាលមុន ហើយ Man City បានតាមដានយ៉ាងយកចិត្តទុកដាក់លើការវិវឌ្ឍរាងកាយរបស់គាត់ ដោយជឿថាវត្តមានរបស់ Pafundi ជាមួយក្រុមន័រវែស អាចជួយឱ្យកាយសម្បទារបស់ Haaland ចៀសផុតបញ្ហារបួសផ្សេងៗ។

លោក Pep Guardiola បានចាប់ផ្តើម Haaland ក្នុងការប្រកួតចំនួន 9 ដង ក្នុងរដូវកាល 2022-23 ដែលគាត់រកបានបាន 14 គ្រាប់៕

អត្ថបទទាក់ទង

Man City បញ្ជូន​អ្នកតាមដាន​ផ្ទាល់​ដើម្បី​ពិនិត្យ​មើល​ស្ថានភាព​របស់ Haaland នៅ​ក្រុមន័រវែស

Man City បញ្ជូនអ្នកតាមដានផ្ទាល់ដើម្បីពិនិត្យមើលស្ថានភាពរបស់ Haaland នៅក្រុមន័រវែស