EPL Preview៖ ការប្រកួត Liverpool ទល់នឹង Man City ផ្សាយបន្តផ្ទាល់នៅ CTN

Premier League
October 14th, 2022 (3 years)
2548 Views
Share

Liverpool នឹងទទួល Manchester City នៅសប្ដាហ៍ទី 11 នៅកីឡដ្ឋាន Anfield ដែលការប្រកួតនេះ នឹងមានផ្សាយបន្តផ្ទាល់ផ្ដាច់មុខនៅលើកញ្ចក់ទូរទស្សន៍ CTN តែមួយគត់ នៅថ្ងៃអាទិត្យ ទី 16 ខែតុលា ឆ្នាំ 2022 ចាប់ពីម៉ោង 22:30 នាទីតទៅ។

ក្រុមទាំងពីរ គឺជាគូប្រជែងពានរង្វាន់ក្របខណ្ឌ Premier League ក្នុងពេលប៉ុន្មានឆ្នាំចុងក្រោយនេះ ប៉ុន្តែការប្រកួតលើកនេះ មិនមែនជាការប្រដេញពិន្ទុគ្នាដូចរដូវកាលមុនៗនោះទេ។ Liverpool ត្រូវការឈ្នះ ដើម្បីស្រោចស្រង់ស្ថានភាពរបស់ក្រុមដែលបានធ្លាក់ចុះចាប់តាំងពីដើមរដូវកាល បន្ទាប់ពីរកបាន 10 ពិន្ទុក្នុង 8 ប្រកួតកន្លងទៅ។ ចំណែក Man City ត្រូវការ 3 ពិន្ទុ ដើម្បីដាក់សម្ពាធលើក្រុម Arsenal ដែលកំពុងឈរលើកំពូលតារាង ដែលមានពិន្ទុលើសក្រុមមេឃខៀវ 1 ពិន្ទុ។

សម្រាប់ Liverpool ខ្សែការពារ Joel Matip និង Trent Alexander-Arnold បានរបួសដែលអាចនឹងត្រូវសម្រាករហូតដល់ 3 សប្ដាហ៍ ដែលមិនអាចចូលរួមក្នុងការប្រកួតនេះបានទេ។ Andy Robertson អាចនឹងចាប់ផ្តើមជាជម្រើសដំបូង បន្ទាប់ពីត្រឡប់ពីរបួស។ ចំណែក Luis Diaz នឹងមិនអាចចូលទីលានបានរហូតដល់ខែធ្នូ។

Manchester City ក៏មានបញ្ហារបួសផ្នែកការពារផងដែរ ដោយ John Stones និង Kyle Walker នឹងត្រូវអវត្តមានសម្រាប់ការប្រកួតនេះ។ សម្រាប់តំបន់ផ្សេងទៀត មិនមានបញ្ហាអ្វីដែលគួរឱ្យបារម្ភឡើយ។

នេះអាចជាជម្រើស 11 នាក់ដំបូងរបស់ Liverpool ដែលអាចប្រើប្រាស់ទម្រង់ 4-3-3 ៖
Alisson; Gomez, Konate, Van Dijk, Tsimikas; Henderson, Fabinho, Thiago; Nunez, Firmino, Salah

នេះអាចជាជម្រើស 11 នាក់ដំបូងរបស់ Man City ដែលអាចប្រើប្រាស់ទម្រង់ 4-3-3 ៖

Ederson; Cancelo, Dias, Laporte, Ake; Rodri, Silva, De Bruyne; Mahrez, Haaland, Foden

ក្រុមការងារ CBS Sport ទស្សន៍ទាយថា ក្រុមទាំងពីរ នឹងអាចមានលទ្ធផលសរុបលើសពី 3 គ្រាប់៖ Liverpool 2-3 Man City ៕

អត្ថបទទាក់ទង

EPL Preview៖ ការប្រកួត Liverpool ទល់នឹង Man City ផ្សាយបន្តផ្ទាល់​នៅ CTN

EPL Preview៖ ការប្រកួត Liverpool ទល់នឹង Man City ផ្សាយបន្តផ្ទាល់នៅ CTN