EPL Preview៖ ការប្រកួត Brighton ទល់នឹង N. Forest ផ្សាយបន្តផ្ទាល់នៅ MyTV យប់នេះ

Premier League
October 18th, 2022 (2 years)
1141 Views
Share

ការប្រកួតនៃក្របខណ្ឌ Premier League បានត្រលប់មកវិញហើយនៅពាក់កណ្តាលសប្តាហ៍នេះ ដោយចាប់ផ្តើមជាមួយការប្រកួតរវាង Brighton ដែលជាម្ចាស់ផ្ទះ ទទួលស្វាគមន៍ Nottingham Forest ដែលមានផ្សាយបន្តផ្ទាល់ផ្ដាច់មុខនៅលើកញ្ចក់ទូរទស្សន៍ MyTV តែមួយគត់ វេលាម៉ោង 1:30 នាទីរំលងអាធ្រាត្រ ឈានចូលថ្ងៃពុធ ទី 19 ខែ តុលា ឆ្នាំ 2022 ។

ក្រុមម្ចាស់ផ្ទះ បានស្មើក្នុងការប្រកួតដំបូងរបស់អ្នកចាត់ការថ្មី Roberto De Zerbi ទល់នឹងក្រុម Liverpool ប៉ុន្តែបានរងបរាជ័យពីរប្រកួតជាប់ៗគ្នា ដោយមិនមានគ្រាប់បាល់ស៊ុតបញ្ចូលទីនោះទេ ដែលបានចាញ់ Spurs 1-0 និង Brentford 2-0 ។ ចំណែក Forest បានចាញ់ 6 ប្រកួតក្នុងចំណោម 7 ប្រកួតចុងក្រោយរបស់ពួកគេ ដែលធ្វើឱ្យអ្នកចាត់ការទូទៅ Steve Cooper កំពុងរងសម្ពាធយ៉ាងខ្លាំង។

សម្រាប់ Brighton ខ្សែបម្រើស្លាប Kaoru Mitoma អាចនឹងខកខានការប្រកួតនេះ ដោយសារបញ្ហាកជើង ពេលប៉ះជាមួយ Brentford ។ Jakub Moder ក៏អវត្តមានផងដែរ។ កីឡាករ Enock Mwepu បានចូលនិវត្តន៍ពីបាល់ទាត់ ដោយសារតែស្ថានភាពបេះដូង ដេលបង្ខំឱ្យគេចូលនិវត្តន៍មុនកាលកំណត់។

ដោយឡែក N. Forest នៅតែគ្មានកីឡាករ Moussa Niakhate របួសភ្លៅ, Jack Colback របួសខ្នង និង Omar Richards របួសកំភួនជើង។

នេះអាចជាជម្រើស 11 នាក់របស់ Brighton ដែលអាចប្រើប្រាស់ទម្រង់ 3-4-2-1៖
Sanchez; Veltman, Dunk, Webster; March, Mac Allister, Caicedo, Estupinan; Trossard, Gross; Welbeck

នេះអាចជាជម្រើស 11 នាក់របស់ N. Forest ដែលអាចប្រើប្រាស់ទម្រង់ 4-3-3 ៖
Henderson; Williams, Cook, McKenna, Toffolo; Mangala, Yates, Freuler; Lingard; Awoniyi, Dennis

ក្រុមការងារ CBS Sport ទស្សន៍ទាយថា ក្រុមទាំងពីរ នឹងអាចមានលទ្ធផលសរុបតិចជាង 3 គ្រាប់៖ Brighton 1-0 N. Forest ៕

អត្ថបទទាក់ទង

EPL Preview៖ ការប្រកួត Brighton ទល់នឹង N. Forest ផ្សាយបន្តផ្ទាល់​នៅ MyTV យប់នេះ

EPL Preview៖ ការប្រកួត Brighton ទល់នឹង N. Forest ផ្សាយបន្តផ្ទាល់នៅ MyTV យប់នេះ