EPL Preview៖ ការប្រកួត Man Utd ទល់នឹង Spurs ផ្សាយបន្តផ្ទាលនៅ MyTV រាត្រីនេះ

Premier League
October 19th, 2022 (2 years)
1032 Views
Share

Manchester United នឹងធ្វើជាម្ចាស់ផ្ទះទទួល Tottenham Hotspur ក្នុងការប្រកួតក្របខណ្ឌ Premier League នៅកីឡដ្ឋាន Old Trafford នៅរាត្រីឈានចូលថ្ងៃព្រហស្បតិ៍ ទី20 ខែតុលានេះ ដែល MyTV នឹងធ្វើការផ្សាយបន្តផ្ទាល់ផ្ដាច់មុខចាប់ពីម៉ោង 2:15 នាទីតទៅ។

ក្រុមបិសាចក្រហមមានការខកចិត្តដោយសារ Newcastle United កាលពីចុងសប្តាហ៍ មុនក្នុងការប្រកួតដែលពោរពេញដោយភាពចម្រូងចម្រាស ដែលបានស្មើគ្នា ខណៈ Spurs បានយកឈ្នះក្រុម Everton នៅភាគខាងជើងទីក្រុងឡុងដ៍។

វាជាការចាប់ផ្តើមដែលមានការឡើង និងចុះសម្រាប់អ្នកចាត់ការរបស់ United លោក Erik ten Hag ដោយក្រុមរបស់គាត់បច្ចុប្បន្នកំពុងឈរនៅលេខ 5 ក្នុងតារាង Premier League តាមរយៈការប្រកួតចំនួន 9 ។

សម្រាប់ Man Utd, Scott McTominay បានត្រលប់មកវិញពីការព្យួរ ហើយទំនងជានឹងជំនួស Fred ក្នុងជម្រើស11 នាក់ដំបូង។ Christian Eriksen នៅតែមិនទាន់ច្បាស់ ក្នុងការជួបជាមួយអតីតក្លិបចាស់របស់គាត់ បន្ទាប់ពីមិនត្រូវបានចូលរួមការហ្វឹកហាត់កាលពីថ្ងៃចន្ទ។ Anthony Martial ក៏ស្ថិតក្នុងភាពមិនច្បាស់លាស់ផងដែរក្នុងការបង្ហាញខ្លួន។

ដោយឡែកសម្រាប់ក្រុមភ្ញៀវ Richarlison បានរងរបួសកំភួនជើង ក្នុងជ័យជម្នះ 2-0 របស់ Tottenham លើ Everton ហើយនឹងត្រូវសម្រាកមួយរយៈពេលខ្លី ខណៈ Dejan Kulusevski បានរងរបួស។ Emerson Royal ត្រូវបានព្យួរ។

នេះអាចជាជម្រើស 11 នាក់ដំបូងរបស់ Man Utd ដែលអាចប្រើប្រាស់ទម្រង់ 4-2-3-1 ៖

De Gea; Dalot, Varane, Martinez, Shaw; Casemiro, McTominay; Antony, Fernandes, Sancho; Rashford

នេះអាចជាជម្រើស 11 នាក់ដំបូងរបស់ Spurs ដែលអាចប្រើប្រាស់ទម្រង់ 3-5-2 ៖

Lloris; Romero, Dier, Lenglet; Doherty, Hojbjerg, Bissouma, Bentancur, Sessegnon; Son, Kane

ក្រុមការងារ CBS Sport ទស្សន៍ទាយថា ក្រុមទាំងពីរ នឹងអាចមានលទ្ធផលសរុបតិចជាង 3 គ្រាប់៖ Man Utd 1-1 Spurs ៕

អត្ថបទទាក់ទង