EPL Preview៖ ជំនួប Fulham ទល់នឹង Aston Villa ផ្សាយបន្តផ្ទាល់នៅ CTN យប់នេះ

Premier League
October 20th, 2022 (2 years)
941 Views
Share

Aston Villa ធ្វើដំណើរទៅកាន់ទីក្រុងឡុងដ៍ ដើម្បីសួរសុខទុក្ខ Fulham នៅក្នុងការប្រកួតក្របខណ្ឌ Premier League ដែលនឹងមានផ្សាយបន្តផ្ទាល់ផ្ដាច់មុខនៅលើកញ្ចក់ទូរទស្សន៍ CTN ចាប់ពីម៉ោង 1:30 នាទីរំលងធ្រាត្រ ឈានចូលថ្ងៃសុក្រ ទី 21 ខែតុលា។

ការបរាជ័យក្នុងលទ្ធផល 2-0 ពេលប៉ះ Chelsea បានផ្ដល់សម្ពាធកាន់តែខ្លាំងទៅលើអ្នកចាត់ការ Steven Gerrard ។ ចំណែក Fulham បានរីករាយនឹងលទ្ធផលជាវិជ្ជមាន ទោះបីជាទម្រង់របស់ពួកគេ មិនមានការឡើងចុះក៏ដោយ។

សម្រាប់ Fulham, Kenny Tete បានអវត្តមានក្នុងប៉ុន្មានសប្តាហ៍ថ្មីៗនេះ ប៉ុន្តែជិតនឹងត្រលប់មកវិញនៅដើមខែតុលានេះ។ Nathaniel Chalobah នឹងខកខានដោយសារការព្យួរ។

Tyrone Mings របស់ Aston Villa បានរងរបួសកជើងក្នុងការប្រកួតជាមួយ Chelsea ។ Lucas Digne នៅតែមិនទាន់ជាសះស្បើយពីបញ្ហាកជើង និងកែងជើង។ Boubacar Kamara នឹងអវត្តមានពេញមួយឆ្នាំ ហើយ Diego Carlos កំពុងសម្រាកព្យាបាលរបួស។

នេះអាចជាជម្រើស 11 នាក់ដំបូងរបស់ Fulham ដែលអាចប្រើប្រាស់ទម្រង់ (4-2-3-1)៖

Leno; Tete, Diop, Ream, Robinson; Reed, Palhinha; Willian, Pereira, Kebano; Mitrovic

នេះអាចជាជម្រើស 11 នាក់ដំបូងរបស់ Aston Villa ដែលអាចប្រើប្រាស់ទម្រង់ (4-3-3)៖

Martinez; Cash, Konsa, Mings, Young; Luiz, McGinn, Coutinho; Bailey, Ings, Watkins

ក្រុមការងារ CBS Sport ទស្សន៍ទាយថា ក្រុមទាំងពីរ នឹងអាចមានលទ្ធផលសរុបតិចជាង 3 គ្រាប់៖ Fulham 1-1 Aston Villa៕

អត្ថបទទាក់ទង