អ្នកវិភាគអះអាងថា Ronaldo មិនសប្បាយចិត្តនឹងចំណាត់ការរបស់ក្លិប

Premier League
October 21st, 2022 (1 year)
1993 Views
Share

យោងតាមការវិភាគរបស់ BBC (Simon Stone) ឱ្យដឹងថា Cristiano Ronaldo ត្រូវបានដកចេញពីបញ្ជីឈ្មោះក្រុម សម្រាប់ការប្រកួតទល់នឹង Chelsea នៅកីឡដ្ឋាន Stamford Bridge ដែលជាវិធានការវិន័យ ហើយក្លិប Manchester United បានគាំទ្រការសម្រេចចិត្តរបស់អ្នកចាត់ការទូទៅ Erik ten Hag 100% ។

ទោះបីជាប្រភពរបស់ Man United បានអះអាងថា តារាឆ្នើមព័រទុយហ្គាល់ នៅតែជាសមាជិកសំខាន់នៃក្រុមរបស់ Ten Hag ក៏ដោយ ក៏វាត្រូវបានគេយល់ថា កីឡាករវ័យ 37 ឆ្នាំរូបនេះ អាចនឹងស្វែងរកក្លិបថ្មី នៅពេលដែលទីផ្សារដោះដូរកីឡាករបើកនៅខែមករា ឆ្នាំ 2023 ។

BBC បានរាយការណ៍កាលពីដើមរដូវកាលនេះថា វត្តមានរបស់ Ronaldo អាចបណ្តាលឱ្យមានបញ្ហា ។ ឥឡូវនេះ Ronaldo មានអារម្មណ៍ថា គាត់មិនទទួលបានការគោរពពីក្លិបនោះទេ ហើយគាត់មិនសមនឹងប្រព័ន្ធលេងរបស់ Ten Hag នោះដែរ។

Ronaldo នឹងនៅសល់កុងត្រារយៈពេល 6 ខែ នៅខែមករាខាងមុខនេះ។ ដើម្បីជាប្រយោជន៍សម្រាប់ភាគីទាំងពីរ ប្រភពបានបន្តថា ការចែកផ្លូវគ្នា គឺជាអ្វីដែលត្រូវកើតឡើង។ ទោះជាយ៉ាងណា ទាំងក្លិប និងសាមីកីឡាករ នឹងមានភាពស្ងៀមស្ងាត់ក្នុងរយៈពេល 3 សប្តាហ៍កន្លះទៀតរហូតដល់ Ronaldo ចាកចេញទៅចូលរួមជាមួយព័រទុយហ្គាល់ ដើម្បីត្រៀម World Cup នៅកាតា។

ខ្សែប្រយុទ្ធសញ្ជាតិព័រទុយហ្គាល់ បានដើរចេញពី Old Trafford មុនពេលបញ្ចប់ការប្រកួតដែល Man Utd បានទទួលជ័យជម្នះ 2-0 លើក្រុម Tottenham Hotspur ដែលគាត់បានស្ថិតនៅកៅអីបម្រុង៕

អត្ថបទទាក់ទង

អ្នកវិភាគ​អះអាងថា Ronaldo មិន​សប្បាយចិត្ត​នឹង​ចំណាត់ការ​របស់​ក្លិប

អ្នកវិភាគអះអាងថា Ronaldo មិនសប្បាយចិត្តនឹងចំណាត់ការរបស់ក្លិប