Man Utd អាចជួប Barcelona ឬក្រុមមួយចំនួនទៀតដែលធ្លាក់ពី UCL

Premier League
November 4th, 2022 (2 years)
1170 Views
Share

កីឡាករវ័យជំទង់ Alejandro Garnacho ស៊ុតបញ្ចូលទីបានមួយគ្រាប់ ខណៈ Manchester United បានយកឈ្នះលើ Real Sociedad ក្នុងលទ្ធផល 1-0 ប៉ុន្តែពួកគេបានបញ្ចប់នៅត្រឹមចំណាត់ថ្នាក់លេខ 2 ក្នុងពូល E នៃក្របខណ្ដ UEFA Europa League ។

ក្រុមរបស់ Erik ten Hag ត្រូវការឈ្នះ ពីរគ្រាប់ ឬច្រើនជាងនេះក្នុងប្រទេសអេស្ប៉ាញ ដើម្បីបញ្ចប់នៅចំណាត់ថ្នាក់លេខ 1 ដែលអាចឱ្យពួកគេឡើងទៅប្រកួតវគ្គ 16 ក្រុមដោយស្វ័យប្រវត្តិ។ ចំណែកក្រុមលេខ 2 ត្រូវជួបជាមួយក្រុមដែលធ្លាក់ពី UEFA Champions League រួមមាន៖ Barcelona, Juventus, Ajax, Shakhtar Donetsk, Bayer Leverkusen, Sporting Lisbon, Red Bull Salzburg និង Sevilla ។

ការចាប់ឆ្នោតវគ្គ Playoff នៅសប្ដាហ៍ក្រោយ នឹងធ្វើឱ្យ Man Utd រកឃើញថាក្រុមណានឹងក្លាយជាគូប្រកួតរបស់ពួកគេ សម្រាប់ការប្រកួតជាមួយក្រុមលេខ 3 មកពីពានរង្វាន់ UCL ។

គ្រាប់បាល់របស់យុវជន Garnacho នៅនាទីទី 17 បង្កើតចេញពីការបញ្ជូនឱ្យយ៉ាងល្អពី Cristiano Ronaldo ។

Man United បញ្ចប់ក្នុងពូលដោយមាន 15 ពិន្ទុស្មើជាមួយ Sociedad ដែលបានឡើងទៅវគ្គ 16 ក្រុមចុងក្រោយដោយសារមានផលសងគ្រាប់បាល់ខុសគ្នា 1 គ្រាប់។ បិសាចក្រហម នឹងលេងក្នុងវគ្គ play-off នៅខែកុម្ភៈ ឆ្នាំ 2023 ៕

អត្ថបទទាក់ទង