Arsenal និង Spurs បានធ្លាក់ចេញពី EFL Cup ក្រោមថ្វីជើងក្រុមមកពី EPL ដូចគ្នា

Premier League
November 10th, 2022 (2 years)
2491 Views
Share

Arsenal ដែលជាក្រុមឈរនៅកំពូលតារាងនៃក្របខណ្ឌ Premier League ត្រូវបានធ្លាក់ចេញពីពានរង្វាន់ EFL Cup ដោយសារថ្វីជើងរបស់ Brighton ខណៈ Tottenham Hotspur បានបរាជ័យដោយសារ Nottingham Forest គួរឱ្យភ្ញាក់ផ្អើលផងដែរ។

Eddie Nketiah បានជួយឱ្យក្រុម Arsenal នាំមុខនៅនាទីទី 20 បន្ទាប់ពីការបញ្ជូនរបស់ Reiss Nelson ។

ប៉ុន្តែ Danny Welbeck បានរកគ្រាប់តាមស្មើ 1-1 សម្រាប់ Brighton នៅនាទីទី 27 ជាមួយនឹងការទាត់បាល់ប៉េណាល៉ទី បន្ទាប់ពីគេត្រូវបានបង្កកំហុសដោយអ្នកចាំទីរបស់ម្ចាស់ផ្ទះ Karl Hein ។ នៅនាទីទី 58 Kaoru Mitoma បានផ្ដល់ការនាំមុខសម្រាប់ Brighton ហើយ Tariq Lamptey បានបន្ថែមមួយគ្រាប់ទី3 ពេលនៅសល់ 19 នាទីចុងក្រោយ។ លទ្ធផលចប់ការប្រកួត Arsenal 1 Brighton 3 ។

ដោយឡែក ក្រុម Tottenham Hotspur បានធ្លាក់ចេញពីពានរង្វាន់ EFL Cup ដោយ Nottingham Forest ដែលជាក្រុមនៅបាតតារាង EPL ។

Forest បាននាំមុខនៅនាទីទី 50 តាមរយៈការស៊ុតបាល់យ៉ាងល្អពី Renan Lodi។ 7 នាទីបន្ទាប់ កីឡាករ Jesse Lingard បានតែតបញ្ចូលទី ក្រោយការលេង Counter Attack របស់ពួកគេ។

អ្នកចាត់ការ Spurs លោក Antonio Conte បានដាក់ Harry Kane ផងដែរ ប៉ុន្តែក្រុមរបស់គាត់ ធ្វើមិនបានល្អឡើយ នៅកីឡដ្ឋាន City Ground ។ ចំណែក Forest ទទួលបានកាតក្រហមទៅលើកីឡាករ Orel Mangala ពេលនៅសល់ 15 នាទីចុងក្រោយ ប៉ុន្តែពួកគេបានរក្សាលទ្ធផល 2-0 រហូតដល់ចប់ការប្រកួត៕

អត្ថបទទាក់ទង