Cristiano Ronaldo ទម្លាយថា Man Utd បានក្បត់គាត់

Premier League
November 14th, 2022 (2 years)
3449 Views
Share

Cristiano Ronaldo ទម្លាយថា គាត់មានអារម្មណ៍ថាត្រូវបានក្លិប Manchester United ក្បត់គាត់ និងត្រូវបានបង្ខំឱ្យចេញពីក្លិប។

កីឡាករជើងចាស់ព័រទុយហ្គាល់ពេលនេះ បានទម្លាយនៅក្នុងបទសម្ភាស ជាមួយលោក Piers Morgan សម្រាប់ TalkTV ។ នៅពេលសួរថាតើក្លិប Man Utd បានព្យាយាមបង្ខំគាត់ចេញពីក្លិបឬអត់ Ronaldo បានឆ្លើយថា៖ “បាទ មិនត្រឹមតែគ្រូបង្វឹក [Erik ten Hag] ប៉ុណ្ណោះទេ ប៉ុន្តែក៏មានបុរសពីរឬបីនាក់ផ្សេងទៀត នៅក្នុងក្លិបផងដែរ។ ខ្ញុំមានអារម្មណ៍ថាត្រូវបានគេក្បត់”។

នៅពេលត្រូវបានគេសួរម្ដងទៀត ថាតើនាយក ប្រតិបត្តិក្លិបជាន់ខ្ពស់ព្យាយាមបណ្ដេញគាត់ចេញឬយ៉ាងណា កីឡាករវ័យ 37 ឆ្នាំរូបនេះបាននិយាយថា៖ “ខ្ញុំមិនខ្វល់ទេ។ មនុស្សគួរតែស្តាប់ការពិត។”

“បាទ ខ្ញុំមានអារម្មណ៍ថាត្រូវគេក្បត់ ហើយខ្ញុំមានអារម្មណ៍ថាមនុស្សមួយចំនួនមិនចង់ឱ្យខ្ញុំនៅទីនេះ មិនត្រឹមតែឆ្នាំនេះប៉ុណ្ណោះទេ ប៉ុន្តែថែមទាំងកាលពីឆ្នាំមុនផងដែរ។”

Ronaldo មិនបានលេងដោយសារជំងឺ ចាប់តាំងពីគាត់លេងឱ្យក្រុមបិសាចក្រហមក្នុងការបរាជ័យដោយ Aston Villa 3-1 កាលពីថ្ងៃទី 6 ខែវិច្ឆិកា។ គាត់មិនឈ្មោះក្នុងការប្រកួត Premier League ទល់នឹង Chelsea កាលពីខែមុន បន្ទាប់ពីបដិសេធមិនព្រមចូលលេងពេលប៉ះ Tottenham ។

Ronaldo បានប្រាប់ Morgan ថា៖ “ខ្ញុំមិនគោរពគាត់ [Ten Hag] ទេ ព្រោះគាត់មិនបង្ហាញការគោរពចំពោះខ្ញុំ។ បើគេមិនគោរពខ្ញុំទេ ខ្ញុំក៏មិនគោរពគេវិញដែរ “៕

អត្ថបទទាក់ទង