ការស្លៀកពាក់របស់ Ronaldo បង្ហាញថា គេមិនទាន់ស៊ាំនឹងអាកាសធាតុនៅអង់គ្លេសនៅឡើយ

Premier League
September 8th, 2021 (2 years)
5752 Views
Share

Cristiano Ronaldo ហាក់មិនទាន់ស៊ាំទៅនឹងអាកាសធាតុនៅទីក្រុង Manchester នោះទេ បន្ទាប់ពីគេ បានពាក់អាវយឺតដ៏ក្រាស់ និងដៃវែង នៅក្នុងសីតុណ្ហភាពជិត ៣០អង្សា សម្រាប់ការវិលត្រឡប់ទៅ Carrington វិញ។

ក្លិបបិសាចក្រហម Manchester United បានបង្ហាញរូបថតពីការជួបជុំរបស់ Ronaldo និងលោក Ole Gunnar Solskjaer ។ ទោះបីជាមានរលកកម្ដៅ កំពុងគ្របដណ្ដប់លើចក្រភពអង់គ្លេសនាពេលបច្ចុប្បន្នក៏ដោយ ក៏កីឡាករសញ្ជាតិព័រទុយហ្គាល់នេះ បានពាក់អាវយឺតក្រាស់ ដែលមានតម្លៃ ៤២៥ផោន។ នេះបើយោងតាមគេហទំព័រដែលលក់អាវដែល Ronaldo កំពុងពាក់។

អ្នកប្រើប្រាស់បណ្ដាញសង្គម Twitter បាននាំគ្នាបញ្ចេញមតិលេងសើចទាក់ទងនឹងការស្លៀកពាក់របស់ Ronaldo ដែលបានពាក់អាវក្រាស់ ខណៈអាកាសធាតុនៅអង់គ្លេស កំពុងតែក្ដៅ។

កីឡាករវ័យ ៣៦ឆ្នាំនេះ បានទៅដល់ទីលានហ្វឹកហាត់ ដើម្បីចូលរួមជាមួយមិត្តរួមក្រុមថ្មីរបស់គេផងដែរ។ គេបានត្រូវចំណាយពេល ៥ ថ្ងៃក្នុងការធ្វើចត្តាឡីស័ក បន្ទាប់ពីទៅដល់អង់គ្លេស។ គេបានធ្វើតេស្តនៅថ្ងៃទី២កាលពីថ្ងៃសៅរ៍ និងការធ្វើតេស្តម្ដងទៀត នៅថ្ងៃទី៥ តាមគោលការណ៍របស់ក្រសួងសុខាភិបាលអង់គ្លេស។

Ronaldo បានវិលត្រឡប់មកកាន់ទឹកដីរបស់ខ្លួនវិញ បន្ទាប់ពីចាកចេញពីក្រុម Juventus ហើយបានចុះកិច្ចសន្យារយៈពេល ២ ឆ្នាំដែលទទួលបានថ្លៃនឿយហត់ ៣៨៥.០០០ ផោនក្នុងមួយសប្តាហ៍៕

សូមជម្រាបជូនថា កម្មវិធី CBS Fanzone ចាក់ផ្សាយរៀងរាល់ថ្ងៃព្រហស្បតិ៍ ម៉ោង ២១:០០ – ២២:០០ នៅលើកញ្ចក់ទូរទស្សន៍ MyTV និងមានចាក់ផ្សាយឡើងវិញនៅលើកញ្ចក់ទូរទស្សន៍ CTN រៀងរាល់ថ្ងៃសៅរ៍ ម៉ោង ២១:០០ – ២២:០០។

សម្រាប់ការចូលរួមលេងកម្មវិធី CBS Fantasy League ប្រិយមិត្តអាចបន្តចុះឈ្មោះរហូតដល់សប្តាហ៍ទី៦ ទើបក្រុមការងារ CBS Fantasy League នឹងបិទការចុះឈ្មោះ។ ប្រសិនបើមិនអាច Upload រូបភាពប្រតិបត្តិការចូលក្នុងទម្រង់ចុះឈ្មោះ សូមជ្រើសរើស Browsers ឬទូរសព្ទផ្សេងទៀត។ សម្រាប់អ្នកដែលមានគណនីធនាគារផ្សេង សូមផ្ទេរចូលគណនីបង់ប្រាក់ទាំង៣ ដែលមាននៅក្នុងវីដេអូ ដើម្បីបង់ប្រាក់។

League code: ecnoku ចុះឈ្មោះ http://pluskh.com.kh/fantasy/ ពិនិត្យឈ្មោះដែលបានចុះនៅទីនេះ http://www.pluskh.com.kh/fantasy/validate/

កុំភ្លេចរង់ចាំទស្សនា កម្មវិធី CBS Fantasy League ដែលចាក់ផ្សាយរៀងរាល់ថ្ងៃសុក្រ វេលាម៉ោង ២១:០០ – ២២:០០។

អត្ថបទទាក់ទង