Premier League៖ ខ្សែប្រយុទ្ធ Mohamed Salah រកបានគ្រាប់ទី១០០ នៅ Premier League ក្រោយស៊ុតឱ្យ Liverpool ឈ្នះ Leeds United

Premier League
September 13th, 2021 (3 years)
910 Views
Share

ខ្សែប្រយុទ្ធ Mohamed Salah រកបានគ្រាប់ទី១០០ នៅ Premier League ក្រោយទាត់បញ្ចូលទីគ្រាប់បើកឆាកនៃការប្រកួតឈ្នះ ៣-០ របស់ Liverpool លើក្រុមម្ចាស់ផ្ទះ Leeds United សម្រាប់ការប្រកួតសប្តាហ៍ទី៤ កាលពីយប់មិញ។

គ្រាប់បាល់របស់កីឡាករអេហ្ស៊ីបខាងលើ កើតឡើងនៅនាទី២០ ក្រោយការចែកបាល់ឱ្យរបស់ Trent Alexander-Arnold ដោយវគ្គទី១ មានការស៊ុតបញ្ចូលទីតែ១លើកនេះប៉ុណ្ណោះ។

ឈានដល់វគ្គទី២ នាទី៥០ ខ្សែការពារ Fabinho ក៏បានរកគ្រាប់បាល់បង្កើនការនាំមុខគ្រាប់ទី២ឱ្យក្រុមហង្សក្រហម។ យ៉ាងណា នៅនាទី៦០ ខ្សែបម្រើ Harvey Elliott របស់ Liverpool បានរបួសកជើងយ៉ាងធ្ងន់ធ្ងរ បន្ទាប់ពីការជែងយកបាល់របស់ខ្សែការពារ Pascal Struijk ហើយកីឡាករ Leeds រូបនេះក៏ត្រូវបានអាជ្ញាកណ្តាលដកកាតក្រហមបណ្តេញចេញ។ នៅសល់គ្នាតែ១០នាក់បែបនេះ Leeds UTD កាន់តែរងការគាបសង្កត់ពីគូប្រជែងរបស់ខ្លួន។ នៅនាទី៩០+២ ខ្សែប្រយុទ្ធ Sadio Mane បានស៊ុត១គ្រាប់ទៀត ដែលជាគ្រាប់ទី៣របស់ Liverpool មុនចប់ការប្រកួត។

ជ័យជម្នះនេះធ្វើឱ្យ Liverpool ឡើងមកលេខ៣ ក្នុងតារាងពិន្ទុ ក្របខណ្ឌ Premier League សម្រាប់សប្តាហ៍ទី៤ ដោយមាន ១០ពិន្ទុ ស្មើពិន្ទុក្រុមលេខ២ Chelsea និងក្រុមកំពូលតារាង Man UTD។ ចំណែកឯ Leeds UTD វិញ នេះជាលើកដំបូងចាប់ពីរដូវកាល ១៩៥៨-៥៩ មក ដែល ពួកគេមិនឈ្នះសោះក្នុងចំណោម៤ប្រកួតដំបូង ដោយរដូវកាលនេះ ពួកគេស្មើ២ ចាញ់២។ Leeds ពេលនេះឈរនៅលេខ១៧ មានតែ២ពិន្ទុប៉ុណ្ណោះ។

សូមជម្រាបជូនថា កម្មវិធី CBS Fanzone ចាក់ផ្សាយរៀងរាល់ថ្ងៃព្រហស្បតិ៍ ម៉ោង ២១:០០ – ២២:០០ នៅលើកញ្ចក់ទូរទស្សន៍ MyTV និងមានចាក់ផ្សាយឡើងវិញនៅលើកញ្ចក់ទូរទស្សន៍ CTN រៀងរាល់ថ្ងៃសៅរ៍ ម៉ោង ២១:០០ – ២២:០០។

សម្រាប់ការចូលរួមលេងកម្មវិធី CBS Fantasy League ប្រិយមិត្តអាចបន្តចុះឈ្មោះរហូតដល់សប្តាហ៍ទី៦ ទើបក្រុមការងារ CBS Fantasy League នឹងបិទការចុះឈ្មោះ។ ប្រសិនបើមិនអាច Upload រូបភាពប្រតិបត្តិការចូលក្នុងទម្រង់ចុះឈ្មោះ សូមជ្រើសរើស Browsers ឬទូរសព្ទផ្សេងទៀត។ សម្រាប់អ្នកដែលមានគណនីធនាគារផ្សេង សូមផ្ទេរចូលគណនីបង់ប្រាក់ទាំង៣ ដែលមាននៅក្នុងវីដេអូ ដើម្បីបង់ប្រាក់។

League code: ecnoku ចុះឈ្មោះ http://pluskh.com.kh/fantasy/ ពិនិត្យឈ្មោះដែលបានចុះនៅទីនេះ http://www.pluskh.com.kh/fantasy/validate/

កុំភ្លេចរង់ចាំទស្សនា កម្មវិធី CBS Fantasy League ដែលចាក់ផ្សាយរៀងរាល់ថ្ងៃសុក្រ វេលាម៉ោង ២១:០០ – ២២:០០។

អត្ថបទទាក់ទង