EPL Preview៖ ជំនួបសំខាន់ Man Cityទល់នឹងSpurs ផ្សាយបន្តផ្ទាល់ផ្ដាច់មុខនៅMyTVយប់នេះ

Premier League
January 19th, 2023 (2 years)
1466 Views
Share

Manchester City និង Tottenham Hotspur នឹងប៉ះគ្នាក្នុងការប្រកួតក្របខណ្ឌ Premier League នៅកីឡដ្ឋាន Etihad ដែលនឹងមានផ្សាយបន្តផ្ទាល់ផ្ដាច់មុខនៅលើកញ្ចក់ទូរទស្សន៍ MyTV តែមួយគត់ ចាប់ពីម៉ោង 3:00 នាទីទៀបភ្លឺ យប់នេះតទៅ។

Man City បានចាញ់ពីរប្រកួតជាប់គ្នា ដោយបានធ្លាក់ចេញពីពានរង្វាន់ Carabao Cup ក្រោមស្នាដៃក្រុម Southampton មុនពេលចាញ់ Manchester United នៅក្របខណ្ឌ Premier League ។ ឥឡូវនេះ ក្រុមមេឃខៀវបានដាច់ 8 ពិន្ទុពីការប្រជែងដណ្តើមពានរង្វាន់ EPL ជាមួយក្រុមលេខ 1 Arsenal ។ ចំណែក Spurs បន្តទទួលលទ្ធផលមិនសូវល្អឡើយ ដែលថ្មីៗនេះបានចាញ់ Arsenal ។

ខ្សែការពារកណ្ដាល John Stones របស់ Man City បានធូរស្រាលពីរបួស ហើយនឹងត្រលប់មកក្រុមវិញដើម្បីចាប់ដៃគូ Manuel Akanji ។ Ruben Dias ដែលមិនបានលេងតាំងពី World Cup ក៏បានចូលហ្វឹកហាត់វិញផងដែរ។ Kevin De Bruyne បានអវត្តមានពីការហ្វឹកហាត់កាលពីថ្ងៃអង្គារ ប៉ុន្តែកីឡាករត្រូវបានរំពឹងថានឹងស្ថិតក្នុងជម្រើសដំបូងរបស់លោក Pep Guardiola នៅយប់នេះ។

រីឯក្រុមរបស់លោក Antonio Conte គ្មាន Lucas Moura តែម្នាក់គត់ ដែលអវត្តមានរយៈពេលយូរសម្រាប់ការធ្វើដំណើរទៅកាន់កីឡដ្ឋាន Etihad នៅរាត្រីនេះ។ ទោះបីជាយ៉ាងណាក៏ដោយ បន្ទាប់ពីបរាជ័យក្នុងការប្រកួត North London Derby ការផ្លាស់ប្តូរមួយចំនួនអាចត្រូវបានធ្វើឡើង។

នេះអាចជាជម្រើស 11 នាក់ដំបូងរបស់ Man City ដែលអាចប្រើប្រាស់ទម្រង់ 3-4-3 ៖

Ederson; Walker, Stones, Akanji, Ake; De Bruyne, Rodri, Gundogan; Foden, Haaland, Grealish

នេះអាចជាជម្រើស 11 នាក់ដំបូងរបស់ Spurs ដែលអាចប្រើប្រាស់ទម្រង់ 3-4-3 ៖

Lloris; Romero, Dier, Davies; Doherty, Hojbjerg, Bentancur, Perisic; Kulusevski, Kane, Son

CBS Sport ទស្សន៍ទាយថាលទ្ធផលសម្រាប់ការប្រកួតរវាងក្រុមទាំងពីរគឺ៖ Man City 2-0 Spurs ៕

អត្ថបទទាក់ទង