×

អគ្គលេខាធិការក្លិបអ្នកគាំទ្រ Man City ប្រាប់លោក Pep Guardiola ឱ្យផ្ដោតតែលើការដឹកនាំបង្ហាត់ទៅបានហើយ

ក្លិបអ្នកគាំទ្រផ្លូវការរបស់ក្រុមេឃខៀវ Manchester City បានប្រាប់អ្នកចាត់ការទូទៅ លោក Pep Guardiola ឱ្យផ្ដោតតែលើការដឹកនាំបង្ហាត់បានហើយ បន្ទាប់ពីលោក បានផ្តល់យោបល់លើបញ្ហាកៅអីទំនេររាប់ពាន់ នៅក្នុងការប្រកួតពានរង្វាន់ Champions League របស់ពួកគេជាមួយក្រុម RB Leipzig នៅឯកីឡដ្ឋាន Etihad កាលពីពេលថ្មីៗនេះ។

លោក Guardiola បានជំរុញឱ្យអ្នកគាំទ្រកាន់តែច្រើនថែមទៀត ចូលរួមទស្សនាផ្ទាល់ ដើម្បីគាំទ្រក្រុមនេះ បន្ទាប់ពីពួកគេទទួលជ័យជម្នះ ៦-៣ លើ Leipzig ដែលត្រូវបានទស្សនាដោយអ្នកគាំទ្រតែជាង ៣៨.០០០ នាក់ប៉ុណ្ណោះ ដែលទាបជាងសមត្ថភាពរបស់កីឡដ្ឋាន Etihad ដែលអាចផ្ទុកបាន ៥៤.០០០ នាក់។

លោក Kevin Parker អគ្គលេខាធិការនៃក្លិបអ្នកគាំទ្រផ្លូវការរបស់ Man City បានប្រាប់ប្រព័ន្ធផ្សព្វផ្សាយអង់គ្លេសថា គាត់មានការភ្ញាក់ផ្អើលចំពោះការអធិប្បាយរបស់លោក Guardiola ។

លោក Parker ថា៖ “ គាត់ (Pep) មិនយល់ពីការលំបាកដែលមនុស្សមួយចំនួនដែលអាចប្រឈមនៅពេលទៅទស្សនានៅ Etihad នៅល្ងាចថ្ងៃពុធម៉ោង ៨:០០ យប់ឡើយ។”

“ពួកគេមានកូនៗ ដែលត្រូវមើលថែ ពួកគេប្រហែលជាមិនអាចមានលទ្ធភាពទិញសំបុត្របានទេ បញ្ហាកូវីដខ្លះៗនៅតែមាន… ខ្ញុំមិនយល់ពីមូលហេតុដែលគាត់និយាយអំពីវានោះទេ។”

“គាត់ពិតជាគ្រូបង្វឹកដ៏ល្អបំផុតនៅលើពិភពលោក ប៉ុន្តែយកល្អ គាត់គួរតែផ្ដោតតែលើរឿងនោះទៅបានហើយ”។

Man City វិលត្រឡប់មករកការប្រកួតនៅ Premier League វិញ នៅពេលពួកគេទទួលស្វាគមន៍ Southampton នៅថ្ងៃសៅរ៍ ទី១៨ ខែកញ្ញា ហើយលោក Parker បាននិយាយថា គ្មានអ្វីត្រូវសង្ស័យទេ កីឡាដ្ឋាននឹងពេញ។

“ពិតណាស់គាត់ចង់បានចំនួនពេញ ប៉ុន្តែខ្ញុំឆ្ងល់ហេតុអ្វីបានជាគាត់សួរថា តើយើងនឹងមានអ្នកចូលទស្សនាពេញ ពេលប្រកួតទល់នឹង Southamption ដែរឬទេ?” “ វាជាសេណារីយ៉ូផ្សេង។”

“ក្រុមយើងបានលេងនៅក្នុងការប្រកួតក្នុងផ្ទះពីរលើកនៅថ្ងៃសៅរ៍កន្លងមក ហើយតាមខ្ញុំសង្កេតក្នុងនាមជាអ្នកគាំទ្រម្នាក់ កីឡដ្ឋានមានចំនួនពេញទាំង២លើក។ ខ្ញុំគិតថា មិនគួរមាននរណាម្នាក់នៅក្លិបនេះ សួរសំណួរអំពីភាពស្មោះត្រង់របស់អ្នកគាំទ្រនោះទេ៕”

សម្រាប់ការចូលរួមលេងកម្មវិធី CBS Fantasy League ប្រិយមិត្តអាចបន្តចុះឈ្មោះរហូតដល់សប្តាហ៍ទី៦ ទើបក្រុមការងារ CBS Fantasy League នឹងបិទការចុះឈ្មោះ។ ប្រសិនបើមិនអាច Upload រូបភាពប្រតិបត្តិការចូលក្នុងទម្រង់ចុះឈ្មោះ សូមជ្រើសរើស Browsers ឬទូរសព្ទផ្សេងទៀត។ សម្រាប់អ្នកដែលមានគណនីធនាគារផ្សេង សូមផ្ទេរចូលគណនីបង់ប្រាក់ទាំង៣ ដែលមាននៅក្នុងវីដេអូ ដើម្បីបង់ប្រាក់។

League code: ecnoku ចុះឈ្មោះ http://pluskh.com.kh/fantasy/ ពិនិត្យឈ្មោះដែលបានចុះនៅទីនេះ http://www.pluskh.com.kh/fantasy/validate/

កុំភ្លេចរង់ចាំទស្សនា កម្មវិធី CBS Fantasy League ដែលចាក់ផ្សាយរៀងរាល់ថ្ងៃសុក្រ វេលាម៉ោង ២១:០០ – ២២:០០។

សូមជម្រាបជូនថា កម្មវិធី CBS Fanzone ចាក់ផ្សាយរៀងរាល់ថ្ងៃព្រហស្បតិ៍ ម៉ោង ២១:០០ – ២២:០០ នៅលើកញ្ចក់ទូរទស្សន៍ MyTV និងមានចាក់ផ្សាយឡើងវិញនៅលើកញ្ចក់ទូរទស្សន៍ CTN រៀងរាល់ថ្ងៃសៅរ៍ ម៉ោង ២១:០០ – ២២:០០។

អ្នកអាចចែករំលែកដោយ៖

Loading...
អត្ថបទទាក់ទង