CAMSOCយល់ព្រមបញ្ចូលហ្វីលីពីនក្នុងការប្រកួតវិញ្ញាសាបាល់ទះផ្នែកបុរសស៊ីហ្គេម

SEA GAMES 2023
April 7th, 2023 (2 years)
1951 Views
Share

ការចាប់ឆ្នោតចែកពូលវិញ្ញាសាបាល់ទះផ្នែកបុរស ក្នុងព្រឹត្តិការណ៍កីឡាស៊ីហ្គេមបានបញ្ចប់កាលពីថ្ងៃទី៥ ខែមេសា ដោយមិនមានប្រទេសហ្វីលីពីនឡើយ ប៉ុន្តែយោងតាមសេចក្ដីថ្លែងការណ៍ផ្លូវការរបស់ CAMSOC ដែលចេញផ្សាយនៅថ្ងៃទី៦ ខែមេសា បានឱ្យដឹងថា CAMSOC បានអនុគ្រោះចំពោះការយឺតយ៉ាវក្នុងការចូលរួមរបស់ប្រទេសហ្វីលីពីន និងយល់ព្រមធ្វើការចាប់ឆ្នោតចែកពូលសាឡើងវិញផងដែរ។

ការចាប់ឆ្នោតចែកពូលដែលរកឃើញពូល A មានកម្ពុជា ឥណ្ឌូណេស៊ី សិង្ហបុរី ព្រមទាំងពូល B មានវៀតណាម ថៃ ម៉ាឡេស៊ី និងមីយ៉ាន់ម៉ា អាចនឹងត្រូវទុកជាមោឃៈ។

CAMSOC បានបន្តថា ជំហរនេះគឺឆ្លុះបញ្ចាំងពីស្មារតីនៃសាមគ្គីភាព មិត្តភាព កិច្ចសហប្រតិបត្តិការ និងសន្តិភាពរវាងបណ្ដាប្រទេសអាស៊ីអាគ្នេយ៍។

CAMSOC បានបន្តថា ការចាប់ឆ្នោតឡើងវិញនឹងអាចធ្វើទៅបាន លុះត្រាតែគណៈកម្មាធិការជាតិអូឡាំពិកចំនួន ៥ ដែលចូលរួម រួមទាំងគណៈកម្មាធិការជាតិអូឡាំពិកហ្វីលីពីន យល់ព្រមអនុញ្ញាតឱ្យហ្វីលីពីនចូលរួមក្នុងការប្រកួតនេះ៕

អត្ថបទទាក់ទង

CAMSOCយល់ព្រមបញ្ចូលហ្វីលីពីនក្នុងការប្រកួតវិញ្ញាសាបាល់ទះផ្នែកបុរសស៊ីហ្គេម

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស