យ៉េន ឌីណា ម្ចាស់មេដាយមាស១គ្រឿងលើវិញ្ញាសាគុនខ្មែរនៅស៊ីហ្គេមលើកទី៣១

SEA GAMES 2023
April 8th, 2023 (6 months)
567 Views
Share

ប៉ោ ភារិទ្ធ ដែលគ្រប់គ្នាស្គាល់ថា យ៉េន ឌីណា គឺជាអ្នកលេងគុនខ្មែរតែម្នាក់គត់ ដែលបានឈ្នះមេដាយមាស១គ្រឿង នៅក្នុងព្រឹត្តិការណ៍កីឡាស៊ីហ្គេមលើកទី៣១ នៅប្រទេសវៀតណាម បន្ទាប់ពីរូបគេបានផ្ដួលអ្នកប្រដាល់ម្ចាស់ផ្ទះវៀតណាម នៅក្នុងវគ្គផ្ដាច់ព្រ័ត្រ ក្នុងប្រភេទទម្ងន់ ៦៣,៥ គីឡូក្រាម។

យ៉េន ឌីណា បានយកឈ្នះលើគូប្រកួតនៅវគ្គផ្ដាច់ព្រ័ត្រ កីឡាករ Cao Minh Phat Truong ដោយលទ្ធផល ៣-០ ហើយក្លាយជាម្ចាស់មេដាយមាសតែម្ដង។ ក្នុងឱកាសនោះដែរ សម្ដេចពិជ័យសេនា ទៀ បាញ់ ប្រធានគណៈកម្មាធិការជាតិរៀបចំស៊ីហ្គេមឆ្នាំ២០២៣ អមដំណើរដោយលោក ថោង ខុន អនុប្រធានអចិន្ត្រៃយ៍ CAMSOC ដែលអញ្ជើញទៅចូលរួមទទួលទង់ស៊ីហ្គេមសម្រាប់ឆ្នាំ២០២៣ បានចូលរួមបំពាក់មេដាយដល់យ៉េន ឌីណា ។

យ៉េន ឌីណា អាយុ ២៩ឆ្នាំ មានស្រុកកំណើតនៅខេត្តកោះកុង។ រូបគេបានហ្វឹកហាត់កីឡាគុនខ្មែរនេះ តាំងពីអាយុ៩ឆ្នាំមកម្ល៉េះ ដោយសារការស្រឡាញ់ និងការជំរុញពីក្រុមគ្រួសារ។

ព្រឹតិ្តការណ៍ស៊ីហ្គេមលើកទី៣២ នឹងចាប់ផ្ដើមជាផ្លូវការពីថ្ងៃទី៥ ដល់ថ្ងៃទី១៧ ខែឧសភា ឆ្នាំ២០២៣ ខណៈព្រឹតិ្តការណ៍ប្រកួតកីឡាអាស៊ានប៉ារ៉ាហ្គេម លើកទី១២ នឹងចាប់ ផ្តើមពីថ្ងៃទី៣ ខែមិថុនា ឆ្នាំ២០២៣៕

អត្ថបទទាក់ទង