ក្រសួងប្រៃសណីយ៍ដំឡើងWifiឥតគិតថ្លៃរហូតដល់១៨៦ទីតាំងនៅពហុកីឡដ្ឋានជាតិទាំង២អំឡុងស៊ីហ្គេម

SEA GAMES 2023
May 2nd, 2023 (1 year)
829 Views
Share

ក្រសួងប្រៃសណីយ៍និងទូរគមនាគមន៍ បានដំឡើង Wifi ចំនួន ១៨៦ ទីតាំងនៅក្នុងពហុកីឡដ្ឋានជាតិអូឡាំពិក និងពហុកីឡដ្ឋានជាតិមរតកតេជោ ដើម្បីផ្ដល់ការប្រើប្រាស់បណ្ដាញអ៊ីនធឺណិតដោយឥតគិតថ្លៃជូនដល់សាធារណជន អំឡុងពេលព្រឹត្តិការណ៍កីឡាស៊ីហ្គេម លើកទី៣២ និងអាស៊ានប៉ារ៉ាហ្គេម លើកទី១២។

ដើម្បីឱ្យកាន់តែអស្ចារ្យ និងសប្បាយរីករាយ ក្រសួងប្រៃសណីយ៍និងទូរគមនាគមន៍ សហការជាមួយគណៈកម្មាធិការជាតិរៀបចំការប្រកួតកីឡាស៊ីហ្គេម លើកទី៣២ និងអាស៊ានប៉ារ៉ាហ្គេម លើកទី១២ ឆ្នាំ២០២៣ បានផ្តល់ជូនការប្រើប្រាស់សេវាអ៊ីនធឺណិតល្បឿនលឿន ដោយឥតគិតថ្លៃនៅពហុកីឡដ្ឋានជាតិអូឡាំពិក និងពហុកីឡដ្ឋានជាតិមរតកតេជោ ចំនួន ១៨៦ទីតាំង រួមមាន៖
– សាលក្នុងពហុកីឡាដា្ឋន (Indoor Hall)
– សាលទស្សនិកជន VIP (VIP Audiences)
– សាលទស្សនិកជនខាងក្រៅ (Outdoor Audiences)
– វិមានកីឡដ្ឋាន
– មណ្ឌលកីឡាហែលទឹក
– មណ្ឌលកីឡាហុកគី
– មណ្ឌលកីឡាក្នុងសាល
– មណ្ឌលកីឡាវាយសី និងវាយកូនឃ្លីលើតុ
– មណ្ឌលកីឡាវាយកូនបាល់
– សាលហាត់កីឡាប្រយុទ្ធ
– តំបន់សាធារណៈខាងក្រៅពហុកីឡដ្ឋាន។

សាធារណជន អាចធ្វើការស្កេន QR Code ដែលបានកំណត់ដោយក្រសួង ឬក៏នៅតាមផ្ទាំងបង្ហាញ នៅតាមទីតាំងជាក់ស្តែង ដែលបានកំណត់ដើម្បីភ្ជាប់ WiFi ៕

អត្ថបទទាក់ទង

ក្រសួងប្រៃសណីយ៍ដំឡើងWifiឥតគិតថ្លៃរហូតដល់១៨៦ទីតាំងនៅពហុកីឡដ្ឋានជាតិទាំង២អំឡុងស៊ីហ្គេម

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស