វៀតណាមឈ្នះមេដាយមាស១គ្រឿងដំបូងបង្អស់នៅស៊ីហ្គេម២០២៣

SEA GAMES 2023
May 3rd, 2023 (5 months)
12356 Views
Share

កីឡាការិនីអុក Pham Thanh Phuong Thao និង Ton Nu Hong An បានឈ្នះមេដាយមាសដំបូងជូនប្រទេសវៀតណាម ក្នុងព្រឹត្តិការណ៍កីឡាស៊ីហ្គេមលើកទី៣២ បន្ទាប់ពីបាននាំមុខលើវិញ្ញាសាវាយគូនារីអុកចក្រត្រង្គ កាលពីថ្ងៃទី២ ឧសភា។

កីឡាអុកចត្រង្គ គឺជាប្រភេទកីឡាដំបូងគេ ដែលបើកការប្រកួតក្នុងព្រឹត្តិការណ៍ស៊ីហ្គេម២០២៣ ដែលកម្ពុជាធ្វើជាម្ចាស់ផ្ទះ។ ការប្រកួតប្រព្រឹត្តទៅចាប់ពីថ្ងៃទី ២៩ ខែមេសា ដល់ថ្ងៃទី ៩ ខែឧសភា ដោយមាន ៧ វិញ្ញាសា។ ក្រុមអត្តពលិករបស់ វៀតណាមមានចំនួន ១១នាក់។

នៅឆ្នាំនេះ វៀតណាមប្រកួតប្រជែងលើ ៣០ កីឡា ក្នុងចំណោម ៣៦ ប្រភេទកីឡា ក្នុងការប្រកួតនេះ។ វៀតណាមបានដាក់គោលដៅយកមេដាយមាសពី ៩០ ទៅ ១២០គ្រឿង ដើម្បីឈានទៅចំណាត់ថ្នាក់កំពូលទាំង៣ នៅក្នុងតារាងមេដាយសរុប។

កាលពីស៊ីហ្គេមលើកទី៣១ វៀតណាមបានឈរកំពូលតារាងមេដាយដោយមានមេដាយមាស២០៥ គ្រឿង ។ ថៃជាប់លេខ២មានមេដាយមាស ៩២គ្រឿង និងឥណ្ឌូនេស៊ីលេខ៣មានមេដាយមាស ៦៩គ្រឿង៕

អត្ថបទទាក់ទង