ស៊ីហ្គេម៖ ក្រុមបាល់ទាត់នារីកម្ពុជា ដណ្ដើមជ័យជម្នះលើឡាវ ជាមួយ៣ពិន្ទុដ៏សំខាន់

SEA GAMES 2023
May 4th, 2023 (1 year)
644 Views
Share

ក្រុមបាល់ទាត់នារីជម្រើសជាតិកម្ពុជា បានដណ្ដើមបាន៣ពិន្ទុពីក្រុមបាល់ទាត់នារីជម្រើសជាតិឡាវ នៅក្នុងពូល B ការប្រកួតវិញ្ញាសាបាល់ទាត់នារី នៃព្រឹត្តិការណ៍ស៊ីហ្គេមលើកទី៣២។

កម្ពុជា បានយកឈ្នះឡាវ ដោយលទ្ធផល ២-០ នៅកីឡដ្ឋានស្មាត អ អេស អិន កាលពីយប់ថ្ងៃពុធ តាមរយៈគ្រាប់បាល់ទាំងពីរគ្រាប់របស់ខ្សែប្រយុទ្ធ យ៉ុន យ៉ើន នៅនាទីទី ១១ និងទី ៣៨ ក្នុងវគ្គទីមួយ។ ចំណែកក្រុមឡាវ បានព្យាយាមស្វែងរកគ្រាប់បាល់ត្រឡប់មកវិញក្នុងវគ្គទីពីរ ប៉ុន្តែមិនអាចសម្រេចបានឡើយ ដោយសារកម្ពុជាបានការពារសំណាញ់ទីរបស់ខ្លួនបានយ៉ាងល្អ។

លទ្ធផលនេះ មានន័យថា កម្ពុជា បានឈរនៅចំណាត់ថ្នាក់លេខ២ ក្នុងពូល B មាន ៣ពិន្ទុ ស្មើក្រុមបាល់ទាត់នារីថៃ ដែលបានយកឈ្នះទៅលើក្រុមបាល់ទាត់នារីសិង្ហបុរី ដោយលទ្ធផល ៤-០ នៅថ្ងៃជាមួយគ្នា។

ប្រកួតបន្ទាប់ កម្ពុជាត្រូវជួបសិង្ហបុរី នាថ្ងៃទី៦ ខែឧសភា ដែលជាការប្រកួតដ៏សំខាន់សម្រាប់ក្រុមគោព្រៃក្នុងការស្វែងរក៣ពិន្ទុបន្ថែម ដើម្បីអាចឈានទៅកាន់វគ្គពាក់កណ្ដាលផ្ដាចព្រ័ត្រជាលើកដំបូងរបស់ខ្លួន។

ចំណែកនៅពូល A វៀតណាម បានយកឈ្នះម៉ាឡេស៊ី ដោយលទ្ធផល ៣-០ ស្របពេលដែលមីយ៉ាន់ម៉ា ទទួលជ័យជម្នះលើហ្វីលីពីន ដោយលទ្ធផល ១-០៕

អត្ថបទទាក់ទង

ស៊ីហ្គេម៖ ក្រុមបាល់ទាត់នារីកម្ពុជា ដណ្ដើមជ័យជម្នះលើឡាវ ជាមួយ៣ពិន្ទុដ៏សំខាន់

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស