លើកចុងក្រោយដែល Ronaldo រកបាន៣គ្រាប់ក្នុង៣ប្រកួតជាប់គ្នា ជាពេលដែល Man Utd លើកពាន UCL ឆ្នាំ២០០៨

Premier League
October 21st, 2021 (2 months)
1448 Views
Share

ជាថ្មីម្តងទៀត Cristiano Ronaldo បានជួយសង្គ្រោះ Manchester United ក្នុងការប្រកួតពានរង្វាន់ Champions League ទល់នឹង Atalanta ខណៈខ្សែប្រយុទ្ធវ័យ ៣៦ ឆ្នាំរូបនេះ នៅតែបន្តបង្ហាញពីគុណភាពរបស់ខ្លួន នៅចំពោះមុខទី។

ក្រុមបិសាចក្រហម Manchester United បានចាប់ផ្តើមការប្រកួតជាមួយនឹងលទ្ធផលដ៏អាក្រក់ នៅតង់ទី១ ដោយត្រូវបាន Atalanta នាំមុខ ០-២ នៅទឹកដី Old Trafford កាលពីយប់មិញ តាមរយៈគ្រាប់បាល់របស់កីឡាករ Mario Articleic និងការតែតបាល់បញ្ចូលទីរបស់ Merih Demiral ។

សំណាងល្អ លោក Ole Gunnar Solskjaer អ្នកចាត់ការទូទៅ Man Utd បានកែប្រែស្ថានការណ៍នៅតង់ទី២ នៅពេលដែល Marcus Rashford រកគ្រាប់តាមពីក្រោយនៅនាទី៥៣ មុនពេល Harry Maguire បន្ថែមគ្រាប់តាមស្មើនៅនាទី៧៥ បន្ទាប់ពីទទួលបានបាល់ពី Edinson Cavani ។

ចូលដល់នាទី៨១ ការវាយបកយក៣ពិន្ទុ ធ្វើបានសម្រេចពីគ្រាប់បាល់តែតរបស់ Ronaldo ដែលបញ្ចូនដោយ Luke Shaw ។

Cristiano Ronaldo បានស៊ុតបញ្ចូលទីក្នុងការប្រកួតក្របខណ្ឌ Champions League ៣ប្រកួតជាប់ៗគ្នា សម្រាប់ក្រុម Manchester United ជាលើកទី២ ដែលពីមុនគេធ្វើបាននៅខែវិច្ឆិកា ឆ្នាំ២០០៧ ហើយ Man Utd បានឆ្ពោះទៅរកការឈ្នះពានរង្វាន់ UCL នៅចុងរដូវកាល ២០០៧-២០០៨។

ជ័យជម្នះនេះ ធ្វើឱ្យក្រុមបិសាចក្រហម ឈរនៅលើកំពូលតារាងពូល F ដោយឈ្នះ ២ប្រកួតក្នុងចំណោម ៣ ប្រកួតដោយ Cristiano Ronaldo តែងតែស៊ុតបញ្ចូលទីឱ្យពួកគេក្នុងការប្រកួតទាំង ៣ នោះ។

កុំភ្លេចរង់ចាំទស្សនា កម្មវិធី CBS Fantasy League ដែលចាក់ផ្សាយរៀងរាល់ថ្ងៃសុក្រ វេលាម៉ោង ២១:០០ – ២២:០០។

សូមជម្រាបជូនថា កម្មវិធី CBS Fanzone ចាក់ផ្សាយរៀងរាល់ថ្ងៃព្រហស្បតិ៍ ម៉ោង ២១:០០ – ២២:០០ នៅលើកញ្ចក់ទូរទស្សន៍ MyTV និងមានចាក់ផ្សាយឡើងវិញនៅលើកញ្ចក់ទូរទស្សន៍ CTN រៀងរាល់ថ្ងៃសៅរ៍ ម៉ោង ២១:០០ – ២២:០០៕

អត្ថបទទាក់ទង