Michael Carrick សរសើរខ្សែបម្រើវ័យក្មេង Kobbie Mainoo ថា «លេងគួរឱ្យចង់ទស្សនា»

Premier League
February 2nd, 2026 (2 days)
187 Views
Share

គ្រូបង្វឹក Manchester United លោក Michael Carrick សរសើរខ្សែបម្រើវ័យក្មេង Kobbie Mainoo ថា «លេងគួរឱ្យចង់ទស្សនា» បន្ទាប់ពីជ័យជម្នះរបស់បិសាចក្រហមលើ Fulham។ Carrick បានលើកឡើងពីការលេងប្រកបដោយចិត្តត្រជាក់ នៅពេលគ្រប់គ្រងបាល់ ភាពឆ្លាតវៃលើការចែកបាល់ និងភាពចាស់ទុំជាងអាយុរបស់ Mainoo ដែលបង្ហាញពីទំនុកចិត្តខ្ពស់ក្នុងការលេង។

អតីតខ្សែបម្រើរបស់ Man United រូបនេះបានបញ្ជាក់ថា ការលេងរបស់ Mainoo មានឥទ្ធិពលយ៉ាងខ្លាំងលើការប្រកួត ជាពិសេសក្នុងការគ្រប់គ្រងតំបន់បម្រើ និងការសម្រេចចិត្ត។ Carrick បានលើកឡើងថា Mainoo បានសម្រេចចិត្តត្រឹមត្រូវជានិច្ច នៅក្រោមសម្ពាធ ដែលជួយឲ្យMan United រក្សាចង្វាក់ និងតុល្យភាពនៃការលេងពេញមួយការប្រកួត។

Carrick ក៏បានបញ្ជាក់ផងដែរថា ការត្រឡប់មករកទម្រង់លេងល្អបំផុតរបស់ Mainoo គឺជាសញ្ញាវិជ្ជមានសម្រាប់អនាគតរបស់ Manchester United។ ជាមួយនឹងគុណភាពបច្ចេកទេស កម្លាំង និងការលេងប្រកបដោយចិត្តត្រជាក់របស់គេ Mainoo កំពុងត្រូវបានមើលឃើញថាជាកីឡាករសំខាន់ម្នាក់សម្រាប់ក្រុម ហើយក៏ទទួលបានការកោតសរសើរពីអតីតកីឡាករ និងអ្នកគាំទ្រផងដែរ៕

អត្ថបទទាក់ទង