×

លោក Unai Emery បដិសេធឱកាសក្លាយជាអ្នកចាត់ការ Newcastle United

លោក Unai Emery បានបដិសេធឱកាសក្លាយជាអ្នកចាត់ការ Newcastle United ហើយនឹងបន្តនៅជាមួយក្លិបអេស្ប៉ាញ Villarreal តទៅទៀត។

អតីតគ្រូបង្វឹក Arsenal និង PSG បានបញ្ជាក់ថា រូបលោកត្រូវបានក្លិបនៅ Premier League ទាក់ទង ដើម្បីជំនួសកន្លែង Steve Bruce។ Newcastle សង្ឃឹមថាអាចនឹងយកបុរសសញ្ជាតិអេស្ប៉ាញនៅចុងសប្តាហ៍នេះ ប៉ុន្តែលោក Emery បានបដិសេធដោយថា លោកស្រឡាញ់ការដឹកនាំក្លិបក្នុងស្រុកដែលជាផ្ទះរបស់លោក។

លោក Unai Emery បានឱ្យដឹងបែបនេះថា លោកពិតជារីករាយដែលទទួលបានឱកាសពី Newcastle ប៉ុន្តែខ្ញុំចង់ដឹកនាំនៅក្លិប Villarreal ជាបន្តវិញ។ ទីនេះជាផ្ទះរបស់គាត់ ហើយលោកនៅតែមានចិត្តស្ម័គ្រស្មោះជាមួយ ក្លិប Villarreal និង កីឡាករ១០០ភាគរយ ហើយនឹងរួមគ្នាបន្តទៅរកភាពល្អប្រសើរ។

តាមពិតទៅ លោក Emery វ័យ ៥០ ឆ្នាំក៏ចាប់អារម្មណ៍ក្នុងការដឹកនាំ Newcastle បន្ទាប់ពីការកាន់កាប់ ៣០៥ លានផោនដែលគាំទ្រដោយព្រះអង្គម្ចាស់អារ៉ាប៊ីសាអូឌីត ដែលបានធ្វើឱ្យពួកគេក្លាយជាក្លិបដែលមានជាងគេបំផុតក្នុងពិភពបាល់ទាត់។
ប៉ុន្តែនៅពេលលោកជួបជាមួយម្ចាស់ក្លិប Villarreal ដែលជាគ្រួសារ Roig ពួកគេបានព្យាយាមបញ្ចុះបញ្ចូលគាត់ឱ្យស្នាក់នៅ។ កីឡាកររបស់ក្លិបក៏ធ្វើដូចគ្នាដែរ ហើយគ្រួសាររបស់គាត់ ក៏បានប្រាប់គាត់ថា វាមិនមែនជាពេលវេលាត្រឹមត្រូវក្នុងការផ្លាស់ទៅកីឡដ្ឋាន St James’ Park នោះទេ។

កុំភ្លេចរង់ចាំទស្សនា កម្មវិធី CBS Fantasy League ដែលចាក់ផ្សាយរៀងរាល់ថ្ងៃសុក្រ វេលាម៉ោង ២១:០០ – ២២:០០។

សូមជម្រាបជូនថា កម្មវិធី CBS Fanzone ចាក់ផ្សាយរៀងរាល់ថ្ងៃព្រហស្បតិ៍ ម៉ោង ២១:០០ – ២២:០០ នៅលើកញ្ចក់ទូរទស្សន៍ MyTV និងមានចាក់ផ្សាយឡើងវិញនៅលើកញ្ចក់ទូរទស្សន៍ CTN រៀងរាល់ថ្ងៃសៅរ៍ ម៉ោង ២១:០០ – ២២:០០។

កុំភ្លេចណា ទស្សនាការប្រកួតដ៏ជក់ចិត្តបណ្តើរ ឆាតលេងកម្សាន្តបណ្តើរ ប៉ុន្តែកុំភ្លេចដាក់រូបភាពរបស់លោកអ្នកនៅតេឡេក្រាមផង ពេលនោះលោកអ្នកនឹងអាចឃើញសាររបស់លោកអ្នកនៅលើកញ្ចក់ទូរទស្សន៍៕

អ្នកអាចចែករំលែកដោយ៖

Loading...
អត្ថបទទាក់ទង