លោក Rangnick យល់ថាកីឡាករ Man UTD ល្អជាងលោករំពឹងទុក

Premier League
December 7th, 2021 (4 years)
4383 Views
Share

លោក Ralf Rangnick អ្នកចាត់ការថ្មី Manchester United យល់ថាកូនក្រុមរបស់លោក និងក្រុមទាំងមូលលេងបានល្អជាងលោករំពឹងទុកទៅទៀត បន្ទាប់ពីឈ្នះលើ Crystal Palace ក្នុងការដឹកនាំប្រកួតដំបូងរបស់លោក។

ជាការពិត ការប្រកួតនៅទឹកដី Old Trafford ក្នុងក្របខណ្ឌ Premier League ក្រុមបិសាចក្រហម Manchester United បានយកឈ្នះលើក្រុម Crystal Palace ក្នុងលទ្ធផល ១-០ ដោយ ១គ្រាប់នោះដែរ កើតចេញពីការទាត់ពីចម្ងាយរបស់ Fred នៅវគ្គទី២ ស្របពេលក្នុងការប្រកួតនេះ Man Utd សម្រុកខ្លាំង និងគ្រប់គ្រងការប្រកួតបានល្អ។

បើតាមអ្នកចាត់ការ Rangnick ដែលទើបចូលកាន់តំណែងនិងដឹកនាំក្រុមហាត់បានម្ដងនោះ បង្ហាញចំណាប់អារម្មណ៍ថា៖ “ខ្ញុំសប្បាយចិត្តជាមួយការលេងរបស់ក្រុមជាពិសេសនៅវគ្គទី១។ ការដណ្ដើមបាល់ គឺពិតជាអាចទទួលយកបាន។ ការរក្សាសំណាញ់ទី ជាផ្នែកមួយដ៏សំខាន់។ មានចំណុចខ្លះដែលត្រូវកែតម្រូវ។ យើងទើបតែហ្វឹកហាត់បានមួយលើកប៉ុណ្ណោះ ខ្ញុំពិតជាភ្ញាក់ផ្អើលខ្លាំងណាស់។”

លោកបន្តថា៖ “ការហ្វឹកហាត់ជាមួយគ្នាបានម្ដង ហើយធ្វើបានប៉ុណ្ណឹង ខ្ញុំសប្បាយចិត្ត ហើយវាបានបង្ហាញថាយើងកំពុងតែអភិវឌ្ឍទៅមុខ។ យើងធ្វើបានល្អក្នុងការប្រកួតនេះ ជាងការរំពឹងទុកទៅទៀត។”

សូមបញ្ជាក់ថា សម្រាប់ជ័យជម្នះនេះគឺ Man UTD បានឡើងមកឈរលេខ៦ក្នុងតារាងពិន្ទុ មាន២៤ពិន្ទុ ឃ្លាតពីកៅអី Top 4 ចំនួន៣ពិន្ទុប៉ុណ្ណោះ។

កុំភ្លេចរង់ចាំទស្សនា កម្មវិធី CBS Fantasy League ដែលចាក់ផ្សាយរៀងរាល់ថ្ងៃសុក្រ វេលាម៉ោង ២១:០០ – ២២:០០។

ទស្សនាការប្រកួតដ៏ជក់ចិត្តបណ្តើរ ឆាតលេងកម្សាន្តបណ្តើរ ប៉ុន្តែកុំភ្លេចដាក់រូបភាពរបស់លោកអ្នកនៅតេឡេក្រាមផង ពេលនោះលោកអ្នកនឹងអាចឃើញសាររបស់លោកអ្នកនៅលើកញ្ចក់ទូរទស្សន៍៕

អត្ថបទទាក់ទង