ក្លិបធំពីរនៅលីគកំពូលអ៊ីតាលីចាប់អារម្មណ៍ខ្សែប្រយុទ្ធ Divock Origi របស់ Liverpool

Premier League
December 14th, 2021 (3 years)
1497 Views
Share

ក្លិបធំពីរនៅលីគកំពូលអ៊ីតាលីគឺ Atalanta និង AC Milan កំពុងបង្ហាញការចាប់អារម្មណ៍ ខ្សែប្រយុទ្ធនាំសំណាងម្នាក់របស់ក្លិបអង់គ្លេស Liverpool មុនការដោះដូរកីឡាករ ក្នុងការមករាខាងមុខ នេះបើយោងតាមប្រភពពីសារព័ត៌មាន Tutto Mercato។

ទាំងក្លិប Atalanta និង AC Milan ត្រូវបានរាយការណ៍ថា កំពុងចង់បានខ្សែប្រយុទ្ធបែលហ្ស៊ិក Divock Origi របស់ក្រុមហង្សក្រហម ទៅបំពេញតំបន់ប្រយុទ្ធក្នុងក្រុមរបស់ពួកគេ ស្របពេលអនាគតកីឡាករវ័យ២៦ឆ្នាំរូបនេះ ស្ថិតនៅក្នុងភាពមិនច្បាស់លាស់ បើទោះបីជារឿយៗគេជាកីឡាករបម្រុងដែលប្ដូរចូល និងរកគ្រាប់បាល់ជ័យជម្នះជូន Liverpool ក៏ដោយ។

នៅក្នុងរដូវកាល ២០២១-២២ នេះ Origi រកគ្រាប់បាល់បានសរុប៥គ្រាប់ និង assist ២លើក ក្នុងការបង្ហាញខ្លួន១០ប្រកួត ឱ្យក្រុមដែលបង្វឹកដោយលោក Jurgen Klopp ដោយក្នុងនោះមានមួយគ្រាប់ទល់នឹង AC Milan នៅពានរង្វាន់ UEFA Champions League ។

យោងតាមប្រភពពី Tutto Mercato បានឱ្យដឹងថាក្លិប Atalanta និង Milan ចង់នាំយកខ្សែប្រយុទ្ធកណ្ដាលមួយរូប ដោយសារក្លិបទាំងពីរនេះរំពឹងថា ពួកគេអាចបាត់បង់ខ្សែប្រយុទ្ធរបស់ខ្លួន នៅក្នុងពេលដ៏ខ្លីខាងមុខគឺ Luis Moriel សម្រាប់ Atalanta និង Zlatan Ibrahimovic សម្រាប់ AC Milan ។

ខ្សែប្រយុទ្ធវ័យ៤០ឆ្នាំ Ibrahimovic នៅសល់កិច្ចសន្យារហូតដល់ចប់រដូវកាលនេះជាមួយ AC Milan ហើយ Origi អាចត្រូវបានចាត់ទុកថា ជាអ្នកជំនួសដ៏សក្ដិសមបំផុត។

ដោយឡែក Atalanta ក៏មានករណីស្រដៀងគ្នានេះដែរ ដោយខ្សែប្រយុទ្ធ Muriel ក៏ទំនងនឹងចាកចេញពីក្លិប មានន័យថាវាអាចជាឱកាសឱ្យ Origi អាចលេងបានទៀងទាត់លើទីលាន ប៉ុន្ដែក្លិបហង្សក្រហម អាចកំណត់តម្លៃខ្ពស់សម្រាប់ការផ្ទេរខ្សែប្រយុទ្ធរូបនេះ។

កុំភ្លេចរង់ចាំទស្សនា កម្មវិធី CBS Fantasy League ដែលចាក់ផ្សាយរៀងរាល់ថ្ងៃសុក្រ វេលាម៉ោង ២១:០០ – ២២:០០។

ទស្សនាការប្រកួតដ៏ជក់ចិត្តបណ្តើរ ឆាតលេងកម្សាន្តបណ្តើរ ប៉ុន្តែកុំភ្លេចដាក់រូបភាពរបស់លោកអ្នកនៅតេឡេក្រាមផង ពេលនោះលោកអ្នកនឹងអាចឃើញសាររបស់លោកអ្នកនៅលើកញ្ចក់ទូរទស្សន៍៕

អត្ថបទទាក់ទង