ការប្រកួតរវាង Burnley ទល់នឹង Watford នៅក្របខណ្ឌ Premier League ត្រូវបានពន្យារពេល បន្ទាប់ពីមានកីឡាករកើតជំងឺកូវីដ១៩

Premier League
December 16th, 2021 (2 years)
927 Views
Share

ការប្រកួតនៅ Premier League របស់ Watford នៅក្រៅដីជាមួយក្រុម Burnley នៅយប់មិញ ត្រូវបានពន្យារពេល បន្ទាប់ពីការផ្ទុះឡើងនៃកូវីដ១៩ ក្នុងចំណោមសមាជិកក្រុម Watford ។

សេចក្តីថ្លែងការណ៍ពី Premier League បាននិយាយថា Watford នឹងមិនអាចបំពេញការប្រកួតបានទេ ដោយសារតែចំនួនកីឡាករក្រុមដំបូង មិនគ្រប់គ្រាន់។

ការប្រកួតនេះ គឺជាការប្រកួតទីពីរក្នុង Premier League ដែលត្រូវបានលុបចោលក្នុងសប្តាហ៍នេះ បន្ទាប់ពីការពន្យារពេលជំនួបរវាង Manchester United ទល់នឹងក្រុមម្ចាស់ផ្ទះ Brentford ។

ការសម្រេចនេះ កើតឡើងនៅថ្ងៃតែមួយដែលលោក Brendan Rodgers បានរិះគន់ Premier League ចំពោះការបដិសេធក្នុងការពន្យារពេលការប្រកួតរបស់ Leicester ជាមួយ Tottenham Hotspur។

កាលពីថ្ងៃចន្ទ Premier League បានប្រកាសពីករណីវិជ្ជមានវីរុសថ្មីចំនួន ៤២នាក់ក្នុងចំណោមកីឡាករ និងបុគ្គលិករបស់ក្លិបនានា ដែលជាតួលេខខ្ពស់បំផុតប្រចាំសប្តាហ៍ ដែលបានកត់ត្រាចាប់តាំងពីការចេញផ្សាយលទ្ធផលតេស្ត នៅខែឧសភាឆ្នាំមុនមក។

កុំភ្លេចរង់ចាំទស្សនា កម្មវិធី CBS Fantasy League ដែលចាក់ផ្សាយរៀងរាល់ថ្ងៃសុក្រ វេលាម៉ោង ២១:០០ – ២២:០០។

ទស្សនាការប្រកួតដ៏ជក់ចិត្តបណ្តើរ ឆាតលេងកម្សាន្តបណ្តើរ ប៉ុន្តែកុំភ្លេចដាក់រូបភាពរបស់លោកអ្នកនៅតេឡេក្រាមផង ពេលនោះលោកអ្នកនឹងអាចឃើញសាររបស់លោកអ្នកនៅលើកញ្ចក់ទូរទស្សន៍៕

អត្ថបទទាក់ទង