ខ្សែការពារ Benjamin Mendy របស់ Man City ជាប់ចោទពីបទរំលោភសេពសន្ថវៈចំនួន៧ករណី

Premier League
December 23rd, 2021 (3 years)
1832 Views
Share

ខ្សែការពារ Benjamin Mendy របស់ក្លិប Man City បានជាប់ចោទពីបទរំលោភសេពសន្ថវៈ ១ករណីបន្ថែមទៀតហើយ។ នេះបើតាមការចុះផ្សាយរបស់សារព័ត៌មាននៅអង់គ្លេស។

បើបូកសរុបទាំងករណីចាស់ និងថ្មីបន្ថែមទៀតនេះ កីឡាករជនជាតិបារាំងវ័យ២៧ឆ្នាំ រូបនេះបានជាប់ចោទពីបទរំលោភសេពសន្ថវៈសរុបចំនួន ៧ករណី ថែមបទបៀតបៀនរាងកាយស្ត្រីចំនួនមួយករណីទៀតផងដែរ។

ទង្វើទាំងអស់នេះគឺ Mendy បានប្រព្រឹត្តិនៅផ្ទះរបស់ខ្លួននៅប្រទេសអង់គ្លេសតែម្ដង នៅចន្លោះខែតុលា ឆ្នាំ២០២០ ដល់ខែសីហា ឆ្នាំ២០២១កន្លងទៅ។ សកម្មភាពនេះ ក៏បានប្រព្រឹត្តរួមគ្នាជាមួយមិត្តភ័ក្ដិរបស់ខ្លួនម្នាក់គឺលោក Louis Saha Matturie ដែលពួកគេ ត្រូវបានតុលាកោះហៅទៅបំភ្លឺជាច្រើនសាហើយ។ ទោះយ៉ាងណា ចំពោះការចោទប្រកាន់ទាំងនេះ ត្រូវបានមេធាវីរបស់ Mendy តែងបដិសេធរហូតមក។

សេចក្ដីសម្រេចនៃរឿងក្ដីទាំងនេះ គ្រោងនឹងចេញនៅថ្ងៃទី២៤ ខែមករា ឆ្នាំ២០២២ ខាងមុខ តែកាលពីពេលថ្មីៗចៅក្រមកាត់ក្ដីនេះថា ថ្ងៃដែលគ្រោងទុកប្រហែលជាមិនអាចធ្វើទៅបានទេ។ នៅខណៈនេះដែរ Benjamin Mendy កំពុងត្រូវបានគេឃុំខ្លួនជាបណ្ដោះអាសន្ននៅពន្ធនាគារមួយកន្លែងនៅទីក្រុង Liverpool ។

កុំភ្លេចរង់ចាំទស្សនា កម្មវិធី CBS Fantasy League ដែលចាក់ផ្សាយរៀងរាល់ថ្ងៃសុក្រ វេលាម៉ោង ២១:០០ – ២២:០០។

ទស្សនាការប្រកួតដ៏ជក់ចិត្តបណ្តើរ ឆាតលេងកម្សាន្តបណ្តើរ ប៉ុន្តែកុំភ្លេចដាក់រូបភាពរបស់លោកអ្នកនៅតេឡេក្រាមផង ពេលនោះលោកអ្នកនឹងអាចឃើញសាររបស់លោកអ្នកនៅលើកញ្ចក់ទូរទស្សន៍៕

អត្ថបទទាក់ទង