×

Man City ដាក់គោលដៅដាច់ខាតដើម្បីយក Haaland បន្ទាប់ពីបាត់បង Torres ទៅ Barcelona

យោងតាមរបាយការណ៍ចុងក្រោយមួយ បានបង្ហាញថា ក្លិប Manchester City កំពុងតែត្រៀមខ្លួនរួចជាស្រេចហើយ ដើម្បីប្តូរផ្តាច់ ក្នុងការចុះហត្ថលេខាលើខ្សែប្រយុទ្ធ Erling Braut Haaland របស់ក្រុម Borussia Dortmund នៅរដូវក្តៅឆ្នាំ ២០២២ ខាងមុខ។

 

ជាក់ស្តែង ត្រូវបានគេរំពឹងយ៉ាងខ្លាំងថា ខ្សែប្រយុទ្ធសញ្ជាតិន័រវេសរូបនេះ នឹងដើរចេញពីក្លិបនៅក្របខ័ណ្ឌ Bundesliga នៅពេលដែលតម្លៃផ្តាច់កុងត្រារបស់គេ ចាប់ផ្តើមដំណើរការ ដែលនេះបាននាំឱ្យក្លិបធំៗជាច្រើន មានការប្រកួតប្រជែងគ្នា យ៉ាងខ្លាំង ដើម្បីចុះហត្ថលេខាលើ Haaland ។

 

ក្នុងនោះដែរក្លិបមេឃខៀវ Man City ក៏ជាក្លិបដ៏សំខាន់មួយ ក្នុងចំណោមក្លិបធំៗផ្សេងទៀត ដូចជា Chelsea, Manchester United, Paris Saint-Germain, Real Madrid និង Barcelona ដែលសុទ្ធសឹងតែបានត្រៀមខ្លួនរួចជាស្រេច ។

មិនតែប៉ុណ្ណោះ បើយោងតាមសារព័ត៌មានអេស្ប៉ាញ Sport ថ្មីៗនេះ បានឱ្យដឹងថាក្លិប Man City កំពុងតែធ្វើការប្តេជ្ញាចិត្ត ដើម្បីធ្វើយ៉ាងណា យកឈ្នះទៅលើការប្រកួតប្រជែង ចុះហត្ថលេខាលើ Haaland ឱ្យបាន ស្របពេលពួកគេត្រូវបាត់បង់កីឡាករ Ferran Torres ដែលផ្ទេរទៅចូលរួមជាមួយ Barcelona ។

 

គួរបញ្ជាក់ផងដែរថា Haaland នៅតែបន្តបង្ហាញពីភាពខ្លាំងរបស់គេ ដោយបានស៊ុតបញ្ចូលទី ១៩ គ្រាប់ ក្នុងការបង្ហាញខ្លួន ១៥ លើក សម្រាប់ Dortmund នៅគ្រប់ពានរង្វាន់ទាំងអស់ នៅរដូវកាលនេះ។

 

កុំភ្លេចរង់ចាំទស្សនា កម្មវិធី CBS Fantasy League ដែលចាក់ផ្សាយរៀងរាល់ថ្ងៃសុក្រ វេលាម៉ោង ២១:០០ – ២២:០០។

 

ទស្សនាការប្រកួតដ៏ជក់ចិត្តបណ្តើរ ឆាតលេងកម្សាន្តបណ្តើរ ប៉ុន្តែកុំភ្លេចដាក់រូបភាពរបស់លោកអ្នកនៅតេឡេក្រាមផង ពេលនោះលោកអ្នកនឹងអាចឃើញសាររបស់លោកអ្នកនៅលើកញ្ចក់ទូរទស្សន៍៕

អ្នកអាចចែករំលែកដោយ៖

Loading...
អត្ថបទទាក់ទង