Anthony Martial ប្រាប់អ្នកចាត់ការ លោក Ralf Rangnick ថាគេចង់ចាកចេញពី Man Utd

Premier League
December 27th, 2021 (2 years)
756 Views
Share

Anthony Martial បានប្រាប់ Manchester United ថាគាត់ចង់ចាកចេញពីក្លិប។ កីឡាករអន្តរជាតិបារាំងរូបនេះ បានក្លាយទៅជាកីឡាករមួយរូបនៅ Old Trafford ដែលមិនសូវមាននាទីសម្រាប់លេង ដោយបង្ហាញខ្លួននៅក្របខណ្ឌ Premier League តាំងពីចាប់ផ្តើមរដូវកាលនេះ ត្រឹមតែ ២ដងប៉ុណ្ណោះ ហើយមានតែ ៤ ដងប៉ុណ្ណោះនៅគ្រប់កម្មវិធីប្រកួតទាំងអស់។

Martial បានក្លាយជាកីឡាករបាល់ទាត់វ័យជំទង់ ដែលមានតម្លៃថ្លៃជាងគេបំផុតរបស់ពិភពលោក នៅពេលដែល Man Utd បានចុះហត្ថលេខាជាមួយគេពីក្រុម Monaco ក្នុងខែកញ្ញា ឆ្នាំ២០១៥។ ជាមួយនឹងតម្លៃ ៣៦លានផោនដែលអាចកើនឡើងដល់ ៥៨ លានផោន បានធ្វើឱ្យគាត់ក្លាយជាកីឡាករថ្លៃបំផុតទីបីរបស់ក្រុមបិសាចក្រហម នៅពេលនោះ បន្ទាប់ពី Angel Di Maria និង Juan Mata ។

Martial បានបង្ហាញខ្លួនជាលើកដំបូង ដោយបានចេញពីកៅអីបម្រុងដើម្បីស៊ុតបាល់បញ្ចូលទីដ៏អស្ចារ្យទៅលើក្រុម Liverpool និងបានបន្តស៊ុតបញ្ចូលទីបាន ៧៩ គ្រាប់ក្នុងការបង្ហាញខ្លួន ២៦៨ លើកជាមួយ Man Utd។ ប៉ុន្តែគេមិនសូវទទួលបានឱកាសលេងច្រើនទេ បន្ទាប់ពីការមកដល់របស់ Cristiano Ronaldo, Edinson Cavani និង Jadon Sancho ព្រមទាំងការឡើងជើងរបស់ Mason Greenwood ។

អ្នកចាត់ការ Rangnick បានបញ្ជាក់ថា មិនមានការចាប់អារម្មណ៍ពីក្លិបដទៃចំពោះ Martial នៅមុនទីផ្សារដោះដូរកីឡាករនាខែមករាខាងមុខទេ ហើយកីឡាកររូបនេះ អាចបន្តនៅ Man Utd ទៀត។

កុំភ្លេចរង់ចាំទស្សនា កម្មវិធី CBS Fantasy League ដែលចាក់ផ្សាយរៀងរាល់ថ្ងៃសុក្រ វេលាម៉ោង ២១:០០ – ២២:០០។

ទស្សនាការប្រកួតដ៏ជក់ចិត្តបណ្តើរ ឆាតលេងកម្សាន្តបណ្តើរ ប៉ុន្តែកុំភ្លេចដាក់រូបភាពរបស់លោកអ្នកនៅតេឡេក្រាមផង ពេលនោះលោកអ្នកនឹងអាចឃើញសាររបស់លោកអ្នកនៅលើកញ្ចក់ទូរទស្សន៍៕

អត្ថបទទាក់ទង