Barcelona ដកការចង់បានខ្សែប្រយុទ្ធ Edinson Cavani របស់ Manchester United

Premier League
December 28th, 2021 (3 years)
1426 Views
Share

ក្លិប Barcelona លែងចាប់អារម្មណ៍ចង់ទិញយកខ្សែប្រយុទ្ធ Edinson Cavani ពីក្លិប Manchester United ហើយ។

កន្លងមកនេះ មានព័ត៌មានលេចឮថា Barcelona ចង់បាន Cavani ខណៈដែលកុងត្រារបស់គេជាមួយក្លិបបិសាចក្រហមនៅសល់សុពុលភាពតែ៦ខែទៀតប៉ុណ្ណោះ។

ប៉ុន្តែ មានការរាយការណ៍ឱ្យដឹងថា ក្រុមរបស់លោក Xavi Hernandez ទិញបានខ្សែប្រយុទ្ធ Ferran Torres ពីក្លិប Manchester City ហើយដោយលោកគ្រូបង្វឹក Pep Guardiola ក៏បានបញ្ជាក់ដែរថា Torres នឹងផ្ទេរទៅទឹកដី Camp Nou ។

ដូច្នេះទើប Barca មិនចាប់អារម្មណ៍យក Edinson Cavani ទៀតទេ ព្រោះខ្សែប្រយុទ្ធក្នុងក្រុមដូចជា Ansu Fati និង Martin Braithwaite ជិតនឹងវិលត្រឡប់មកលេងលើទីលានវិញហើយ។

Cavani ក៏លេចឮថាគេចង់ចាកចេញពីបិសាចក្រហម Manchester United ដើម្បីផ្ទេរទៅក្លិបនៅតំបន់អាមេរិកខាងត្បូងបន្ទាប់ពីចប់កុងត្រា។

កុំភ្លេចរង់ចាំទស្សនា កម្មវិធី CBS Fantasy League ដែលចាក់ផ្សាយរៀងរាល់ថ្ងៃសុក្រ វេលាម៉ោង ២១:០០ – ២២:០០។

ទស្សនាការប្រកួតដ៏ជក់ចិត្តបណ្តើរ ឆាតលេងកម្សាន្តបណ្តើរ ប៉ុន្តែកុំភ្លេចដាក់រូបភាពរបស់លោកអ្នកនៅតេឡេក្រាមផង ពេលនោះលោកអ្នកនឹងអាចឃើញសាររបស់លោកអ្នកនៅលើកញ្ចក់ទូរទស្សន៍៕

អត្ថបទទាក់ទង