Premier League Preview៖ ការប្រកួត Chelsea ទល់នឹង Brighton ផ្សាយបន្តផ្ទាល់នៅ MyTV

Premier League
December 29th, 2021 (2 years)
897 Views
Share

Chelsea ដែលកំពុងជួបវិបត្តិកូវីដ១៩ញ៉ាំញី និងកីឡាកររបួស នឹងត្រូវទទួល ភ្ញៀវ Brighton ក្នុងការប្រកួតប្រខណ្ឌ Premier League នៅយប់នេះ។ នេះជាការប្រកួតទី៩ របស់ក្រុមតោខៀវ Chelsea នៅគ្រប់កម្មវិធីប្រកួតទាំងអស់ នៅក្នុងខែធ្នូ។

ផ្ទុយទៅវិញ Brighton បានលេងតែ ៤ប្រកួតប៉ុណ្ណោះក្នុងខែចុងក្រោយនៃឆ្នាំនេះ ដោយសារការពន្យារពេលក្នុងអំឡុងពេលពិធីបុណ្យណូអែលដ៏មមាញឹក។

ក្រុមរបស់លោក Thomas Tuchel រងការប៉ះពាល់ដោយសារការធ្វើតេស្តវិជ្ជមានកូវីដ១៩។ ចំណែក N’Golo Kante បានលាប់របួសចាស់ពេលប្រកួតឈ្នះ Aston Villa កាលពីចុងសប្តាហ៍។ Thiago Silva ក៏មានបញ្ហា សរសៃពួរថែមទៀត ។

ខណៈ Ruben Loftus-Cheek កំពុងជាសះស្បើយពីរបួសកជើង កីឡាករអាល្លឺម៉ង់ពីររូប ពោលគឺ Kai Havertz និង Timo Werner ទំនងជាមិនមានវត្តមានទេ បន្ទាប់ពីឆ្លងមេរោគកូវីដ១៩ថ្មីៗនេះ។ Ben Chilwell ត្រូវបានគេរំពឹងថានឹងអវត្តមានរហូតដល់ចប់រដូវកាល ខណៈត្រូវវះកាត់របួស ACL ។

គ្រូបង្វឹក Brighton បានបង្ហាញថា ខ្សែប្រយុទ្ធរបស់គាត់មានរបួសសរសៃពួរ។ Yves Bissouma ជាប់ពិន័យមួយប្រកួត ខណៈ Shane Duffy បានខកខានក្នុងជ័យជម្នះនៅចុងសប្តាហ៍ជាមួយនឹងការសង្ស័យថាឆ្លងកូវីដ១៩។ Joel Veltman មិនទានច្បាស់ផងដែរ ពីបញ្ហាសាច់ដុំ ហើយប្រធានក្រុម Lewis Dunk និង Jeremy Sarmiento ត្រូវអវត្តមានរហូតដល់ឆ្នាំ២០២២។

Chelsea បានឈ្នះ ១២ លើកក្នុងចំណោម ១៦លើកក្នុងប្រវត្តិសាស្ត្ររបស់ពួកគេជាមួយ Brighton ដោយចាញ់តែមួយលើកប៉ុណ្ណោះ។

នេះអាចជាជម្រើស១១នាក់ដំបូងរបស់ Chelsea ដែលអាចប្រើប្រាស់ទម្រង់ ៣-៤-៣ ៖

Edouard Mendy (GK); Trevoh Chalobah (CB), Andreas Christensen (CB), Antonio Rudiger (CB); Reece James (RWB), Mateo Kovacic (CM), Jorginho (CM), Marcos Alonso (LWB); Mason Mount (RW), Romelu Lukaku (ST), Hakim Ziyech (LW)

នេះអាចជាជម្រើស១១នាក់ដំបូងរបស់ Brighton ដែលអាចប្រើប្រាស់ទម្រង់ ៤-៤-២ ៖

Robert Sanchez (GK); Tariq Lamptey (RB), Adam Webster (CB), Dan Burn (CB), Marc Cucurella (LB); Enock Mwepu (CM), Yves Bissouma (CM), Alexis Mac Allister (CM), Pascal Gross (AM); Neal Maupay (ST), Danny Welbeck (ST)

ក្រុមការងារនៅ CBS Sport បានទស្សន៍ទាយថា ក្រុមទាំងពីរ នឹងមានគ្រាប់បាល់សរុបរួមតិចជាង៣គ្រាប់ ហើយលទ្ធផលសម្រាប់ការប្រកួតនោះគឺ ៖ Chelsea ១-០ Brighton ។

កម្មវិធីផ្សាយបន្តផ្ទាល់សប្ដាហ៍នេះ៖

-Chelsea ប៉ះ Brighton ថ្ងៃទី៣០ ខែធ្នូ ឆ្នាំ២០២១ ម៉ោង២:៣០នាទីរំលងអាធ្រាត្រ នៅ MyTV

-Man Utd ប៉ះ Burnley ថ្ងៃទី៣១ ខែធ្នូ ឆ្នាំ២០២១ ម៉ោង៣:១៥នាទីទៀបភ្លឺ នៅ CTN

កុំភ្លេចណា ទស្សនាការប្រកួតដ៏ជក់ចិត្តបណ្តើរ ឆាតលេងកម្សាន្តបណ្តើរ ប៉ុន្តែកុំភ្លេចដាក់រូបភាពរបស់លោកអ្នកនៅតេឡេក្រាមផង ពេលនោះលោកអ្នកនឹងអាចឃើញសាររបស់លោកអ្នកនៅលើកញ្ចក់ទូរទស្សន៍៕

អត្ថបទទាក់ទង