Premier League Preview៖ ការប្រកួត Man Utd ទល់នឹង Burnley ផ្សាយបន្តផ្ទាល់នៅ CTN

Premier League
December 30th, 2021 (2 years)
1601 Views
Share

ក្រុម Manchester United ស្វាគមន៍ក្រុម Burnley ទៅកាន់កីឡដ្ឋាន Old Trafford ក្នុងក្របខណ្ឌ Premier League នៅយប់នេះ ខណៈពួកគេ ទើបតែខកចិត្តជាមួយនឹងលទ្ធផលស្មើគ្នាជាមួយ Newcastle នៅដើមសប្តាហ៍នេះ។

ទន្ទឹមនឹងនេះដែរ ក្រុម Burnley ត្រូវបានផ្អាកការប្រកួតជាបន្តបន្ទាប់ ដោយសារកូវីដ១៩ ដែលការប្រកួតចុងក្រោយរបស់ពួកគេ បានធ្វើឡើងកាលពីថ្ងៃទី១២ ខែធ្នូ ក្នុងការស្មើដោយគ្មានគ្រាប់បាល់ជាមួយក្រុម West Ham ។

ការពន្យារពេលនៃការប្រកួតនាពេលថ្មីៗនេះជាមួយ Brentford និង Brighton សម្រាប់ Man Utd បានផ្តល់ឱកាសឱ្យលោក Ralf Rangnick អ្នកចាត់ការក្រុមបិសាចក្រហម ក្នុងការជ្រើសរើសកីឡាករដែលត្រឡប់មកពីជាសះស្បើយពីរបួស។ Raphael Varane និង Edinson Cavani បានត្រលប់មកវិញពីការសម្រាករយៈពេលវែងរបស់ពួកគេ ក្នុងការប្រកួតទលនឹងក្រុម Newcastle កន្លងទៅ ទោះបីជា Anthony Martial អវត្តមានដោយសាររបួសជង្គង់ក៏ដោយ ដែលលេចឮដំណឹងថា ចង់ចាកចេញពី Man Utd។

ក្រុម Burnley បានសម្រាកជាងពីរសប្តាហ៍ដោយគ្មានការប្រកួត ដែលផ្ដល់ឱកាសឱ្យខ្សែប្រយុទ្ធ Ashley Barnes ត្រឡប់មកវិញ។ Maxwel Cornet ក៏ទំនងជាចូលរួមផងដែរ បន្ទាប់ពីបានខកខានក្នុងការប្រកួតជាមួយក្រុម West Ham ។

Man Utd មិនស្គាល់ចាញ់សោះក្នុងការជួបគ្នា ១១លើកក្នុងចំណោម ១២លើកចុងក្រោយរបស់ពួកគេ ជាមួយនឹង Burnley ដោយឈ្នះ ៧លើក។

នេះអាចជាជម្រើស១១នាក់ដំបូងរបស់ Man Utd ដែលអាចប្រើប្រាស់ទម្រង់ ៤-២-២-២ ៖

David De Gea (GK); Diogo Dalot (RB), Raphael Varane (CB), Harry Maguire (CB), Luke Shaw (LB), Scott McTominay (DM), Fred (DM), Bruno Fernandes (AM), Jadon Sancho (AM); Cristiano Ronaldo (ST), Edinson Cavani (ST)

នេះអាចជាជម្រើស១១នាក់ដំបូងរបស់ Burnley ដែលអាចប្រើប្រាស់ទម្រង់ ៤-៤-២ ៖

Nick Pope (GK); Matthew Lowton (RB), James Tarkowski (CB), Ben Mee (CB), Charlie Taylor (LB); Johann Gudmundsson (RM), Jack Cork (CM), Ashley Westwood (CM), Dwight McNeil (LM); Maxwel Cornet (ST), Chris Wood (ST)

ក្រុមការងារនៅ CBS Sport បានទស្សន៍ទាយថា ក្រុមទាំងពីរ នឹងមានគ្រាប់បាល់សរុបរួមតិចជាង៣គ្រាប់ ហើយលទ្ធផលសម្រាប់ការប្រកួតនោះគឺ ៖ Man Utd ១-០ Burnley ។

កម្មវិធីផ្សាយបន្តផ្ទាល់សប្ដាហ៍នេះ៖

-Man Utd ប៉ះ Burnley ថ្ងៃទី៣១ ខែធ្នូ ឆ្នាំ២០២១ ម៉ោង៣:១៥នាទីទៀបភ្លឺ នៅ CTN

កុំភ្លេចណា ទស្សនាការប្រកួតដ៏ជក់ចិត្តបណ្តើរ ឆាតលេងកម្សាន្តបណ្តើរ ប៉ុន្តែកុំភ្លេចដាក់រូបភាពរបស់លោកអ្នកនៅតេឡេក្រាមផង ពេលនោះលោកអ្នកនឹងអាចឃើញសាររបស់លោកអ្នកនៅលើកញ្ចក់ទូរទស្សន៍៕

អត្ថបទទាក់ទង