Aston Villa ខ្ចីជើងខ្សែប្រយុទ្ធ Philippe Coutinho ពី Barcelona ជាមួយលក្ខខណ្ឌទិញផ្ដាច់

Premier League
January 10th, 2022 (3 years)
793 Views
Share

ខ្សែប្រយុទ្ធ Philippe Coutinho មានឱកាសមកបង្ហាញថ្វីជើងនៅក្របខណ្ឌ Premier League វិញហើយ បន្ទាប់ពី ក្លិប Aston Villa បានប្រកាសពីការចុះកិច្ចព្រមព្រៀងជាមួយក្លិប Barcelona នាំយករូបគេមកក្នុងលក្ខខណ្ឌខ្ចីជើង។

នេះជាលើកទី២ ដែលអតីតកីឡាករ Liverpool វ័យ២៩ឆ្នាំ ត្រូវបាន Barcelona ផ្តល់ឱ្យក្លិបដទៃខ្ចីជើងចាប់តាំងពីចូលរួមជាមួយក្លិបអ្នកមានបុណ្យក្នុងឆ្នាំ២០១៨ ក្នុងតម្លៃខ្លួន១៦៨លានអឺរ៉ូ។

Coutinho មិនសូវទទួលបានពេលវេលាលេងច្រើនដូចនៅក្លិប Liverpool ឡើយ។ នៅរដូវកាល ២០១៩-២០ កីឡាករប្រេស៊ីលត្រូវបានក្លិប Bayern Munich ខ្ចីជើងម្តងរួចមកហើយ។
ក្លិប Aston Villa បានប្រកាសបែបនេះថា៖ “Aston Villa បានព្រមព្រៀងជាមួយ FC Barcelona សម្រាប់នាំយកកីឡាករ Phillipe Coutinho មកចូលរួមក្រុមនៅកីឡដ្ឋាន Villa Park រហូតដល់ចប់រដូវកាល។”

ក្នុងកិច្ចសន្យានោះ Phillipe Coutinho និងត្រូវធ្វើតេស្តសុខភាពហើយធ្វើលិខិតការងារមុនមកកាន់ក្លិបក្នុងទីក្រុង Birmingham។ កិច្ចសន្យានោះក៏បានរួមបញ្ចូលជម្រើសទិញ Coutinho ផ្តាច់ផងដែរ។

កុំភ្លេចរង់ចាំទស្សនា កម្មវិធី CBS Fantasy League ដែលចាក់ផ្សាយរៀងរាល់ថ្ងៃសុក្រ វេលាម៉ោង ២១:០០ – ២២:០០ នៅលើកញ្ចក់ទូរទស្សន៍ CTN ហ្វេសប៊ុកផេកផ្លូវការ CTN TV និង ហ្វេសប៊ុកផេក CBS Sport ។ បន្ទាប់មក នៅរៀងរាល់ចុងសប្ដាហ៍ ទស្សនិកជន ក៏អាចទស្សនាការប្រកួតក្របខណ្ឌ Premier League នៅ CTN និង MyTV បណ្ដើរ លេងឆាតកម្សាន្តបណ្តើរ តាមរយៈតេឡាក្រាមលេខទូរសព្ទ +85578666500 ប៉ុន្តែកុំភ្លេចដាក់រូបភាពពិតប្រាកដរបស់លោកអ្នកនៅតេឡេក្រាមផង ពេលនោះលោកអ្នក នឹងអាចឃើញសាររបស់លោកអ្នកនៅលើកញ្ចក់ទូរទស្សន៍៕

អត្ថបទទាក់ទង