ខ្សែការពារ Lucas Digne របស់ Everton ជិតផ្លាស់ទៅ Aston Villa

Premier League
January 12th, 2022 (3 years)
963 Views
Share

ក្លិប Aston Villa ជិតឈានដល់កិច្ចព្រមព្រៀងតម្លៃ ២៥លានផោនសម្រាប់ទិញយកខ្សែការពារ Lucas Digne របស់ Everton ហើយការពិភាក្សាគឺស្ថិតក្នុងដំណាក់កាលចុងក្រោយ។

Aston Villa បានតាមដានកីឡាករ Digne ដែលមានអាយុ ២៨ ឆ្នាំចាប់តាំងពីគេ លែងក្លាយជាជម្រើសដ៏ពេញចិត្តរបស់គ្រូបង្វឹករបស់ Everton លោក Rafael Benitez ហើយការពិភាក្សារវាងក្លិបទាំងពីរ កំពុងមានភាពល្អប្រសើរ។

ស្របពេលជាមួយគ្នានេះ Aston Villa ទើបតែបានបញ្ចប់ការចុះហត្ថលេខាលើកិច្ចសន្យាខ្ចីជើងកីឡាករ Philippe Coutinho ពីក្លិប Barcelona ។ កិច្ចព្រមព្រៀងសម្រាប់កីឡាករអន្តរជាតិប្រេស៊ីល រួមមានជម្រើសក្នុងការទិញផ្ដាច់កីឡាករវ័យ ២៩ឆ្នាំក្នុងតម្លៃ ៣៣ លានផោន នៅចុងបញ្ចប់នៃរដូវកាលនេះ។

កាលពីសប្តាហ៍មុន លោក Benitez បាននិយាយថា កីឡាករជម្រើសជាតិបារាំង Digne មិនចង់នៅទីនេះទេ ដោយមិនបានបង្ហាញខ្លួនឱ្យ Everton ចាប់តាំងពីថ្ងៃទី១ ខែធ្នូ ឆ្នាំ២០២១។ ក្លិបជាច្រើន បានចាប់អារម្មណ៍លើខ្សែការពារស្លាបឆ្វេង រួមទាំងក្លិប Newcastle United, Chelsea និងក្លិបនៅក្របខណ្ឌ Serie A ។

កុំភ្លេចរង់ចាំទស្សនា កម្មវិធី CBS Fantasy League ដែលចាក់ផ្សាយរៀងរាល់ថ្ងៃសុក្រ វេលាម៉ោង ២១:០០ – ២២:០០ នៅលើកញ្ចក់ទូរទស្សន៍ CTN ហ្វេសប៊ុកផេកផ្លូវការ CTN TV និង ហ្វេសប៊ុកផេក CBS Sport ។ បន្ទាប់មក នៅរៀងរាល់ចុងសប្ដាហ៍ ទស្សនិកជន ក៏អាចទស្សនាការប្រកួតក្របខណ្ឌ Premier League នៅ CTN និង MyTV បណ្ដើរ លេងឆាតកម្សាន្តបណ្តើរ តាមរយៈតេឡាក្រាមលេខទូរសព្ទ +85578666500 ប៉ុន្តែកុំភ្លេចដាក់រូបភាពពិតប្រាកដរបស់លោកអ្នកនៅតេឡេក្រាមផង ពេលនោះលោកអ្នក នឹងអាចឃើញសាររបស់លោកអ្នកនៅលើកញ្ចក់ទូរទស្សន៍៕

អត្ថបទទាក់ទង