Riyad Mahrez ត្រឡប់ទៅ Man City វិញ ក្រោយក្រុមការពារតំណែងជើងឯក AFCON អាល់ហ្សេរី ធ្លាក់ត្រឹមវគ្គសន្សំពិន្ទុ

Premier League
January 21st, 2022 (3 years)
1356 Views
Share

ក្រុម ម្ចាស់ ជើង ឯក អាល់ហ្សេរី បានធ្លាក់ចេញពីការប្រកួត Africa Cup of Nations បន្ទាប់ពីបរាជ័យយ៉ាងធ្ងន់ធ្ងរក្រោមថ្វីជើងក្រុមកូឌីវ័រ នៅ វគ្គ សន្សំពិន្ទុតាមពូល។

Riyad Mahrez កំពុងធ្វើដំណើរត្រលប់ទៅកាន់ក្លិប Manchester City វិញមុនការរំពឹងទុក បន្ទាប់ពីការធ្លាក់ចេញពីការប្រកួត Africa Cup of Nations របស់ក្រុមជម្រើសជាតិអាល់ហ្សេរី។

លទ្ធផលស្មើ ០-០ ជាមួយក្រុមជម្រើសជាតិសេរ៉ាឡេអូន និងបរាជ័យ ១-០ ជាមួយក្រុម Equatorial Guinea បានធ្វើឱ្យអាល់ហ្សេរី របស់ Mahrez ឈានទៅរកការប្រកួតដ៏លំបាកបំផុតរបស់ពួកគេ ក្នុងវគ្គចែកពូលជាមួយនឹងក្រុមកូឌីវ័រ ដែលត្រូវការឈ្នះជាចាំបាច់ ដើម្បីឆ្លងទៅវគ្គ១៦ក្រុម។ ប៉ុន្តែលទ្ធផលផ្ទុយពីការរំពឹងថា ដោយក្រុមអាល់ហ្សេរី ត្រូវរងបរាជ័យបន្ថែមទៀត ជាមួយនឹងលទ្ធផល ៣-១។ ចំណែក Mahrez ថែមទាំងស៊ុតបាល់ប៉េណាល់ទីមិនចូលទៀត ក្នុងការប្រកួតនេះ។

ឥឡូវនេះ Mahrez នឹងធ្វើដំណើរត្រឡប់ទៅក្រុមមេឃខៀវរបស់គាត់វិញ បន្ទាប់ពីបរាជ័យក្នុងទីក្រុង Douala ប្រទេសកាមេរ៉ូន។ Man City នឹងត្រូវប្រកួតនៅថ្ងៃអាទិត្យ ទល់នឹង Southampton ក្នុងក្របខណ្ឌ Premier League ។

កុំភ្លេចរង់ចាំទស្សនា កម្មវិធី CBS Fantasy League ដែលចាក់ផ្សាយរៀងរាល់ថ្ងៃសុក្រ វេលាម៉ោង ២១:០០ – ២២:០០ នៅលើកញ្ចក់ទូរទស្សន៍ CTN ហ្វេសប៊ុកផេកផ្លូវការ CTN TV និង ហ្វេសប៊ុកផេក CBS Sport ។ បន្ទាប់មក នៅរៀងរាល់ចុងសប្ដាហ៍ ទស្សនិកជន ក៏អាចទស្សនាការប្រកួតក្របខណ្ឌ Premier League នៅ CTN និង MyTV បណ្ដើរ លេងឆាតកម្សាន្តបណ្តើរ តាមរយៈតេឡាក្រាមលេខទូរសព្ទ +85578666500 ប៉ុន្តែកុំភ្លេចដាក់រូបភាពពិតប្រាកដរបស់លោកអ្នកនៅតេឡេក្រាមផង ពេលនោះលោកអ្នក នឹងអាចឃើញសាររបស់លោកអ្នកនៅលើកញ្ចក់ទូរទស្សន៍៕

អត្ថបទទាក់ទង