Naby Keita ត្រឡប់មក Liverpool វិញ បន្ទាប់ពីក្រុមហ្គីណេ ធ្លាក់នៅត្រឹមវគ្គ១៦ក្រុមចុងក្រោយពានរង្វាន់ Africa Cup of Nations

Premier League
January 25th, 2022 (3 years)
685 Views
Share

ក្រុមបាល់ទាត់ជម្រើសជាតិហ្គីណេរបស់ខ្សែបម្រើ Naby Keita ត្រូវបានធ្លាកចេញពីពានរង្វាន់ Africa Cup of Nations ក្នុងវគ្គ១៦ក្រុមចុងក្រោយ បន្ទាប់ពីពួកគេ បានចាញ់ក្រុម Gambia ក្នុងលទ្ធផល ១-០ កាលពីថ្ងៃចន្ទ។

ដូច្នេះ Naby Keita អាចនឹងត្រឡប់មកកាន់ក្លិប Liverpool វិញ ដើម្បីត្រៀមខ្លួនសម្រាប់ការប្រកួតបន្ទាប់របស់ក្រុមហង្សក្រហម។

គ្រាប់បាល់របស់កីឡាករ Musa Barrow នៅនាទីទី៧១ គឺគ្រប់គ្រាន់ ដើម្បីធានាជ័យជម្នះសម្រាប់ក្រុម Gambia នៅទីក្រុង Bafoussam ប្រទេសកាមេរ៉ូន បើទោះបីជា Gambia ធ្លាក់សល់គ្នាត្រឹមតែ ១០នាក់ នៅចុងតង់ក៏ដោយ។

Keita ដែលបានបង្ហាញខ្លួនចំនួន ៣ ដង និងស៊ុតបញ្ចូលទីបាន ១គ្រាប់ក្នុងអំឡុងព្រឹត្តិការណ៍នេះ ត្រូវបានរងពិន័យព្យួរមួយប្រកួត សម្រាប់ការប្រកួតកាលពីថ្ងៃចន្ទ បន្ទាប់ពីទទួលបានកាតលឿងចំនួនពីរកាត ក្នុងវគ្គសន្សំពិន្ទុ។

Liverpool នឹងជួប Leicester នៅសប្ដាហ៍ទី២៤ នៃក្របខណ្ឌ Premier League នាថ្ងៃទី១១ ខែកុម្ភៈ ឆ្នាំ២០២២ ក្រោយសម្រាកអន្តរជាតិ។

កុំភ្លេចរង់ចាំទស្សនា កម្មវិធី CBS Fantasy League ដែលចាក់ផ្សាយរៀងរាល់ថ្ងៃសុក្រ វេលាម៉ោង ២១:០០ – ២២:០០ នៅលើកញ្ចក់ទូរទស្សន៍ CTN ហ្វេសប៊ុកផេកផ្លូវការ CTN TV និង ហ្វេសប៊ុកផេក CBS Sport ។ បន្ទាប់មក នៅរៀងរាល់ចុងសប្ដាហ៍ ទស្សនិកជន ក៏អាចទស្សនាការប្រកួតក្របខណ្ឌ Premier League នៅ CTN និង MyTV បណ្ដើរ លេងឆាតកម្សាន្តបណ្តើរ តាមរយៈតេឡាក្រាមលេខទូរសព្ទ +85578666500 ប៉ុន្តែកុំភ្លេចដាក់រូបភាពពិតប្រាកដរបស់លោកអ្នកនៅតេឡេក្រាមផង ពេលនោះលោកអ្នក នឹងអាចឃើញសាររបស់លោកអ្នកនៅលើកញ្ចក់ទូរទស្សន៍៕

អត្ថបទទាក់ទង