Julian Alvarez ផ្ទេរទៅ Manchester City រង់ចាំតែការប្រកាសជាផ្លូវការប៉ុណ្ណោះ

Premier League
January 26th, 2022 (3 years)
1093 Views
Share

របាយការណ៍ពីអ្នកសារព័ត៌មានល្បីៗជាច្រើន នៅក្នុងប្រទេសអាហ្សង់ទីន បានអះអាងថា ក្រុម Manchester City អាចនឹងឈានទៅដល់ការចុះហត្ថលេខាលើខ្សែប្រយុទ្ធអាហ្សង់ទីន Julian Alvarez របស់ក្លិបបាល់ទាត់ River Plate ដែលជាជើងឯកលីគកំពូលអាហ្សង់ទីន។

បន្ទាប់ពីពិភាក្សាអស់រយៈពេលមួយសប្តាហ៍ អ្នកជំនាញការផ្ទេរកីឡាករ លោក Fabrizio Romano បានបញ្ជាក់ប្រាប់អ្នកគាំទ្រក្រុមមេឃខៀវ ថា Julian Alvarez ផ្ទេរទៅ Manchester City គឺជាកិច្ចព្រមព្រៀងរួចរាល់ហើយ។ តម្លៃដែលបង់ទៅឱ្យ River Plate ត្រូវបានគេរាយការណ៍ថាមានចំនួន ១៨,៥ លានអឺរ៉ូ ជាមួយនឹងប្រាក់រង្វាន់ និងពន្ធបន្ថែម។

ជាមួយនឹងកិច្ចព្រមព្រៀងរយៈពេល ៥ឆ្នាំជាមួយក្រុមជើងឯកលីគកំពូលអង់គ្លេសរដូវកាលមុន Alvarez នឹងបន្តលេងនៅ River Plate សិនរហូតដល់ចុងបញ្ចប់នៃរដូវកាលនេះ។

Julian Alvarez វ័យ២១ឆ្នាំ ត្រូវបានមើលឃើញថាជាអ្នកជំនួសតំណែងរបស់ Sergio Aguero ដែលបានចូលនិវត្តន៍ដោយសារបញ្ហាជំងឺបេះដូង ក្រោយផ្ទេរពី Man City ទៅ Barcelona កាលពីដើមរដូវកាលនេះ។

Alvarez បានស៊ុតបញ្ចូលទីបាន ៣៦គ្រាប់ក្នុងការបង្ហាញខ្លួន ៩៦ លើកសម្រាប់ក្រុមជើងឯកអាហ្សង់ទីន River Plate ហើយត្រូវបានគេចាត់ទុកថា ជាកីឡាករវ័យក្មេងដែលមានអំណោយផលបំផុតនៅតំបន់អាមេរិកខាងត្បូង។

ក្នុងវ័យ ២១ឆ្នាំខ្សែប្រយុទ្ធរូបនេះ បានប្រកួតអន្តរជាតិទល់នឹងក្រុមជម្រើសជាតិឈីលី កាលពីរដូវក្តៅមុន និងជាផ្នែកមួយនៃក្រុមអាហ្សង់ទីនដែលបានឈ្នះពាន Copa America កាលពីខែកក្កដា។ ខ្សែប្រយុទ្ធរូបនេះ ជាប់កិច្ចសន្យាជាមួយ River Plate រហូតដល់ខែធ្នូ ឆ្នាំ២០២២។

កុំភ្លេចរង់ចាំទស្សនា កម្មវិធី CBS Fantasy League ដែលចាក់ផ្សាយរៀងរាល់ថ្ងៃសុក្រ វេលាម៉ោង ២១:០០ – ២២:០០ នៅលើកញ្ចក់ទូរទស្សន៍ CTN ហ្វេសប៊ុកផេកផ្លូវការ CTN TV និង ហ្វេសប៊ុកផេក CBS Sport ។ បន្ទាប់មក នៅរៀងរាល់ចុងសប្ដាហ៍ ទស្សនិកជន ក៏អាចទស្សនាការប្រកួតក្របខណ្ឌ Premier League នៅ CTN និង MyTV បណ្ដើរ លេងឆាតកម្សាន្តបណ្តើរ តាមរយៈតេឡាក្រាមលេខទូរសព្ទ +85578666500 ប៉ុន្តែកុំភ្លេចដាក់រូបភាពពិតប្រាកដរបស់លោកអ្នកនៅតេឡេក្រាមផង ពេលនោះលោកអ្នក នឹងអាចឃើញសាររបស់លោកអ្នកនៅលើកញ្ចក់ទូរទស្សន៍៕

អត្ថបទទាក់ទង