ប៉ូលិស ចាប់ខ្លួន Mason Greenwood តារាបាល់ទាត់របស់ Man United ចោទប្រកាន់ពីបទហិង្សាលើស្ត្រី

Premier League
January 31st, 2022 (2 years)
1334 Views
Share

អង់គ្លេស៖ កីឡាករវ័យក្មេង Mason Greenwood ត្រូវបានចាប់ខ្លួន ពីបទរំលោភសេពសន្ថវៈ និងអំពើហិង្សា ខណៈតារាបាល់ទាត់របស់ក្លិបបិសាចក្រហម Manchester United រូបនេះ ត្រូវបានព្យួរពីការលេង ឬហ្វឹកហាត់ជាមួយក្លិប។

ប៉ូលីស Greater Manchester បាននិយាយថា ពួកគេត្រូវបានគេដឹងកាលពីថ្ងៃអាទិត្យអំពី រូបភាព និងវីដេអូប្រព័ន្ធផ្សព្វផ្សាយសង្គមអនឡាញដែលបានបង្ហោះដោយស្ត្រីម្នាក់ដែលរាយការណ៍អំពីឧប្បត្តិហេតុនៃអំពើហិង្សាលើរាងកាយ។

ប៉ូលិស បានបន្តថា ៖ “ការស៊ើបអង្កេតមួយ ត្រូវបានចាប់ផ្តើមហើយ បន្ទាប់ពីការសួរចម្លើយ ដែលយើងអាចបញ្ជាក់ថា បុរសម្នាក់អាយុ ២០ឆ្នាំ ត្រូវបានចាប់ខ្លួន ចាប់តាំងពីមានការសង្ស័យពីបទរំលោភ និងអំពើហិង្សា។ គាត់កំពុងស្ថិត ក្នុងមន្ទីរឃុំឃាំង ដើម្បីសាកសួរ។ ការស៊ើបអង្កេតកំពុងបន្ត”។

Manchester United បានប្រកាសថា Greenwood នឹងមិនហ្វឹកហាត់ ឬលេងឱ្យក្លិប នៃក្របខណ្ឌ Premier League រហូតដល់មានការជូនដំណឹងបន្ថែម។

អ្នកតំណាងក្រុមហ៊ុន Nike ដែលជាអ្នកឧបត្ថម្ភ Greenwood បាននិយាយថា៖ “យើងមានការព្រួយបារម្ភយ៉ាងខ្លាំងចំពោះការចោទប្រកាន់ដ៏គួរឱ្យរំខាន ហើយនឹងបន្តតាមដានស្ថានការណ៍យ៉ាងដិតដល់”។

កុំភ្លេចរង់ចាំទស្សនា កម្មវិធី CBS Fantasy League ដែលចាក់ផ្សាយរៀងរាល់ថ្ងៃសុក្រ វេលាម៉ោង ២១:០០ – ២២:០០ នៅលើកញ្ចក់ទូរទស្សន៍ CTN ហ្វេសប៊ុកផេកផ្លូវការ CTN TV និង ហ្វេសប៊ុកផេក CBS Sport ។ បន្ទាប់មក នៅរៀងរាល់ចុងសប្ដាហ៍ ទស្សនិកជន ក៏អាចទស្សនាការប្រកួតក្របខណ្ឌ Premier League នៅ CTN និង MyTV បណ្ដើរ លេងឆាតកម្សាន្តបណ្តើរ តាមរយៈតេឡាក្រាមលេខទូរសព្ទ +85578666500 ប៉ុន្តែកុំភ្លេចដាក់រូបភាពពិតប្រាកដរបស់លោកអ្នកនៅតេឡេក្រាមផង ពេលនោះលោកអ្នក នឹងអាចឃើញសាររបស់លោកអ្នកនៅលើកញ្ចក់ទូរទស្សន៍៕

អត្ថបទទាក់ទង