អ្នកចាំទី Mendy របស់ Chelsea ត្រូវបានចាត់ទុកជាអ្នកចាំទីល្អបំផុតលើពិភពលោក

Premier League
February 7th, 2022 (3 years)
2190 Views
Share

អ្នកចាំទីឆ្នើមរបស់ក្រុមតោខៀវ Chelsea កីឡាករ Edouard Mendy ត្រូវបានចាត់ទុកជា អ្នកចាំទីល្អបំផុតនៅលើពិភពលោក ដោយប្រធានក្រុម Kalidou Koulibaly បន្ទាប់ពីអ្នកចាំទីរូបនេះ បង្ហាញពីភាពអស្ចារ្យនៅវគ្គផ្ដាច់ព្រ័ត្រដើម្បីជួយឱ្យក្រុមជម្រើសជាតិសេណេហ្គាល់ ក្លាយជាជើងឯកពានរង្វាន់ Africa Cup of Nations ។

Mendy គឺជាវីរបុរសរបស់សេណេហ្គាល់ ខណៈដែលគេ បានជួយសង្គ្រោះការទាត់បាល់ ១១ម៉ែត្រកាត់សេចក្ដីរបស់កីឡាករក្រុមអេហ្ស៊ីប Mohanad Lasheen មុនពេល Sadio Mane ស៊ុតឱ្យក្រុមសេណេហ្គាល់ ទទួលជ័យជម្នះលើអេហ្ស៊ីប ៤-២ ។

ប្រធានក្រុម Kalidou Koulibaly បាននិយាយថា៖ “យើងបានធ្វើវាបានសម្រេចជាក្រុម និងកម្លាំងរបស់យើង។ យើង មានអ្នកចាំទីដ៏ល្អបំផុតនៅក្នុងពិភពលោក ដែលជួយឱ្យយើងឈ្នះពាន។”

បន្ទាប់ពីបានជួយសេណេហ្គាល់ឱ្យឈ្នះពានរង្វាន់ AFCON ជាលើកទីមួយក្នុងប្រវត្តិសាស្ត្ររបស់ពួកគេ Mendy របស់ក្រុម Chelsea ត្រូវបានជ្រើសរើសជាមួយអ្នកចាំទីល្អបំផុតប្រចាំព្រឹត្តិការណ៍ផងដែរ។

កុំភ្លេចរង់ចាំទស្សនា កម្មវិធី CBS Fantasy League ដែលចាក់ផ្សាយរៀងរាល់ថ្ងៃសុក្រ វេលាម៉ោង ២១:០០ – ២២:០០ នៅលើកញ្ចក់ទូរទស្សន៍ CTN ហ្វេសប៊ុកផេកផ្លូវការ CTN TV និង ហ្វេសប៊ុកផេក CBS Sport ។ បន្ទាប់មក នៅរៀងរាល់ចុងសប្ដាហ៍ ទស្សនិកជន ក៏អាចទស្សនាការប្រកួតក្របខណ្ឌ Premier League នៅ CTN និង MyTV បណ្ដើរ លេងឆាតកម្សាន្តបណ្តើរ តាមរយៈតេឡាក្រាមលេខទូរសព្ទ +85578666500 ប៉ុន្តែកុំភ្លេចដាក់រូបភាពពិតប្រាកដរបស់លោកអ្នកនៅតេឡេក្រាមផង ពេលនោះលោកអ្នក នឹងអាចឃើញសាររបស់លោកអ្នកនៅលើកញ្ចក់ទូរទស្សន៍៕

អត្ថបទទាក់ទង