×

PSG និង Juventus ត្រៀមទឹកប្រាក់ដេញថ្លៃយក Pogba ពី Man Utd នៅចុងបញ្ចប់នៃរដូវកាលនេះ

យោងតាមសារព័ត៌មាន Daily Mail បានឱ្យដឹងថា ក្លិប Paris Saint-Germain គ្រោងនឹងដាក់សំណើរចុះកិច្ចសន្យាជាមួយ Paul Pogba ទោះជាយ៉ាងណាក៏ដោយ ខ្សែបម្រើរូបនេះមិនត្រូវបានច្រានចោលការបន្តនៅក្លិប Manchester United ឡើយ។

 

កិច្ចព្រមព្រៀងរបស់កីឡាករវ័យ ២៨ឆ្នាំនៅកីឡដ្ឋាន Old Trafford នឹងផុតកំណត់នៅរដូវក្តៅនេះ ដោយកីឡាករអន្តរជាតិបារាំងរូបនេះ ត្រូវបានគេរាយការណ៍ថា បានត្រៀមខ្លួនរួចជាស្រេចដើម្បីរង់ចាំរហូតដល់ចុងបញ្ចប់នៃរដូវកាលនេះ ដើម្បីធ្វើការសម្រេចចិត្តលើអនាគតរបស់គេ។ PSG ចង់បន្ថែម Pogba ទៅក្នុងក្រុមដែលមានតារាឆ្នើមៗរបស់ពួកគេ ប៉ុន្តែអាចប្រឈមមុខនឹងការប្រកួតប្រជែង។

 

Pogba បានផ្លាស់ទៅ Man Utd ពី Juventus ក្នុងតម្លៃ ៨៩,៣ លានផោន កាលពីឆ្នាំ២០១៦ ដោយឈ្នះពាន League Cup ពីរដង និង Europa League មួយដង ចាប់តាំងពីពេលនោះមក។ ប៉ុន្តែ​ខ្សែបម្រើ​រូបនេះ​ មានការ​លំបាក​បន្តិច​ក្នុង​រដូវ​កាល​នេះ ដោយ​ខកខាន​ការលេងមួយរយៈ ដោយសារ​របួស។

 

ចំណែក សារព័ត៌មាន Calciomercato អះអាងថា ក្លិប Juventus ត្រៀមខ្លួនរួចជាស្រេចដើម្បីទាក់ទាញ Pogba ឱ្យត្រលប់ទៅក្របខណ្ឌ Serie A វិញ ខណៈអ្នកចាត់ការ Max Allegri សម្លឹងមើលការកសាងក្រុមរបស់លោកឡើងវិញ បន្ទាប់ពីចំណាយប្រាក់ ៧០លានអឺរ៉ូលើខ្សែប្រយុទ្ធ Dusan Vlahovic និង ៥លានអឺរ៉ូលើខ្សែបម្រើ Denis Zakaria កាលពីខែមករា។

 

Pogba ដែលទទួលបានប្រាក់ឈ្នួល ៣០ម៉ឺនផោនក្នុងមួយសប្តាហ៍ នឹងមានជម្រើសជាច្រើន ហើយការលេងនៅលើទីលាន និងលទ្ធផលរបស់ក្រុម Manchester United ក្នុងក្របខណ្ឌ Premier League អាចនឹងមានឥទ្ធិពលសម្រាប់ការសម្រេចចិត្តរបស់កីឡាករបារាំងរូបនេះផងដែរ។

 

កុំភ្លេចរង់ចាំទស្សនា កម្មវិធី CBS Fantasy League ដែលចាក់ផ្សាយរៀងរាល់ថ្ងៃសុក្រ វេលាម៉ោង ២១:០០ – ២២:០០ នៅលើកញ្ចក់ទូរទស្សន៍ CTN ហ្វេសប៊ុកផេកផ្លូវការ CTN TV និង ហ្វេសប៊ុកផេក CBS Sport ។ បន្ទាប់មក នៅរៀងរាល់ចុងសប្ដាហ៍ ទស្សនិកជន ក៏អាចទស្សនាការប្រកួតក្របខណ្ឌ Premier League នៅ CTN និង MyTV បណ្ដើរ លេងឆាតកម្សាន្តបណ្តើរ តាមរយៈតេឡាក្រាមលេខទូរសព្ទ +85578666500 ប៉ុន្តែកុំភ្លេចដាក់រូបភាពពិតប្រាកដរបស់លោកអ្នកនៅតេឡេក្រាមផង ពេលនោះលោកអ្នក នឹងអាចឃើញសាររបស់លោកអ្នកនៅលើកញ្ចក់ទូរទស្សន៍៕

អ្នកអាចចែករំលែកដោយ៖

អត្ថបទទាក់ទង