Premier League Preview៖ ការប្រកួត Man City ទល់នឹង Man Utd ផ្សាយបន្តផ្ទាល់នៅ CTN យប់នេះ

Premier League
March 6th, 2022 (3 years)
1586 Views
Share

Manchester United ធ្វើដំណើរទៅជួបជាមួយ Manchester City ក្នុងជើងទី២ នៃការប្រកួត Manchester Derby ក្នុងក្របខណ្ឌ Premier League រដូវកាល២០២១-២០២២ ដែលមានផ្សាយបន្តផ្ទាល់ផ្ដាច់មុខនៅលើកញ្ចក់ទូរទស្សន៍ CTN ។

ក្រុមរបស់លោក Pep Guardiola បច្ចុប្បន្នកំពុងឈរលើកំពូលតារាង និងមានចំនួន ៦ពិន្ទុពីក្រុមលេខ២ Liverpool ដែលនៅសល់១ប្រកួតក្នុងដៃ។ ទន្ទឹមនឹងនោះ Manchester United ចង់រក្សាចំណាត់ថ្នាក់កំពូលទាំង៤ បន្ទាប់ពីចាញ់ Man City ២-០ នៅកីឡដ្ឋាន Old Trafford កាលពីជើងទី១។

ក្រុមរបស់លោក Pep Guardiola នឹងអវត្តមានខ្សែការពារដ៏សំខាន់ Ruben Dias ពី ៤ ទៅ ៦ សប្តាហ៍ បន្ទាប់ពីកីឡាករព័រទុយហ្គាល់រូបនេះ ត្រូវបានដកចេញជាមួយនឹងរបួសសរសៃពួរ។ Cole Palmer នឹងមិនអាចលេងបានផងដែរ។

រីឯ Scott McTominay ត្រលប់មក Man Utd វិញ បន្ទាប់ពីកីឡាករអន្តរជាតិស្កុតឡែនរូបនេះ ខកខានក្នុងការប្រកួតដែលស្មើគ្នា កាលពីចុងសប្តាហ៍មុនជាមួយ Watford ដោយសារជំងឺ។ Ralf Rangnick ក៏ជឿថា Edinson Cavani មានឱកាសល្អក្នុងការវិលត្រឡប់មកវិញ។ កីឡាករអ៊ុយរូហ្គាយរូបនេះ ទើបតែជាសះស្បើយពីបញ្ហាក្រលៀន។

Man United បានឈ្នះ ៣លើកចុងក្រោយរបស់ពួកគេ ទៅកាន់កីឡដ្ឋាន Etihad របស់ Man City ។

នេះជាជម្រើស១១នាក់ដំបូងរបស់ Man City ដែលអាចប្រើប្រាស់ទម្រង់ ៤-៣-៣ ៖

Ederson (GK); Joao Cancelo (RB), John Stones (CB), Aymeric Laporte (CB), Oleksandr Zinchenko (LB); Rodri (CM), Kevin De Bruyne (CM), Ilkay Gundogan (CM); Phil Foden (RW), Bernardo Silva (ST), Raheem Sterling (LW)

នេះអាចជាជម្រើស១១នាក់ដំបូងរបស់ Man Utd ដែលអាចប្រើប្រាស់ទម្រង់

David De Gea (GK); Aaron Wan-Bissaka (RB), Harry Maguire (CB), Raphael Varane (CB), Luke Shaw (LB); Fred (CM), Scott McTominay (CM), Bruno Fernandes (AM); Jadon Sancho (RW), Cristiano Ronaldo (ST), Paul Pogba (LW)

ក្រុមការងារនៅ CBS Sport បានទស្សន៍ទាយថា ក្រុមទាំងពីរ នឹងមានគ្រាប់បាល់សរុបរួម ៣គ្រាប់ ហើយលទ្ធផលសម្រាប់ការប្រកួតនោះគឺ ៖ Man City ២-១ Man Utd។

ការប្រកួតផ្សាយបន្តផ្ទាល់សប្ដាហ៍នេះ៖

– Burnley ប៉ះ Chelsea ថ្ងៃសៅរ៍ ទី៥ ខែមីនា ឆ្នាំ២០២២ ម៉ោង១០:០០យប់ នៅ MyTV

– Man City ប៉ះ Man Utd ថ្ងៃអាទិត្យ ទី៦ ខែមីនា ឆ្នាំ២០២២ ម៉ោង១១:៣០នាទីយប់ នៅ CTN

កុំភ្លេចរង់ចាំទស្សនា កម្មវិធី CBS Fantasy League ដែលចាក់ផ្សាយរៀងរាល់ថ្ងៃសុក្រ វេលាម៉ោង ២១:០០ – ២២:០០ នៅលើកញ្ចក់ទូរទស្សន៍ CTN ហ្វេសប៊ុកផេកផ្លូវការ CTN TV និង ហ្វេសប៊ុកផេក CBS Sport ។ បន្ទាប់មក នៅរៀងរាល់ចុងសប្ដាហ៍ ទស្សនិកជន ក៏អាចទស្សនាការប្រកួតក្របខណ្ឌ Premier League នៅ CTN និង MyTV បណ្ដើរ លេងឆាតកម្សាន្តបណ្តើរ តាមរយៈតេឡាក្រាមលេខទូរសព្ទ +85578666500 ប៉ុន្តែកុំភ្លេចដាក់រូបភាពពិតប្រាកដរបស់លោកអ្នកនៅតេឡេក្រាមផង ពេលនោះលោកអ្នក នឹងអាចឃើញសាររបស់លោកអ្នកនៅលើកញ្ចក់ទូរទស្សន៍៕

អត្ថបទទាក់ទង

Premier League Preview៖ ​ការប្រកួត Man City ទល់នឹង Man Utd ផ្សាយបន្តផ្ទាល់នៅ CTN យប់នេះ

Premier League Preview៖ ការប្រកួត Man City ទល់នឹង Man Utd ផ្សាយបន្តផ្ទាល់នៅ CTN យប់នេះ