Ferdinand និង Shaqiri ថា Liverpool អាចមានឱកាសឈ្នះពាន៤នៅរដូវកាលនេះ

Premier League
March 9th, 2022 (3 years)
1861 Views
Share

លោក Rio Ferdinand អ្នកជំនាញកីឡាករ និងជាអតីតខ្សែការពាររបស់ Man Utd បាននិយាយដោយស្ទាក់ស្ទើរថា ក្រុម Liverpool អាចនឹងឈ្នះពានរង្វាន់៤ នៅរដូវកាលនេះ។

មិនខុសគ្នានោះដែរ អតីតខ្សែប្រយុទ្ធហង្សក្រហម Xherdan Shaqiri ដែលបច្ចុប្បន្នកំពុងលេងនៅក្រុម Chicago Fire បាននិយាយថា អ្វីៗអាចទៅរួចសម្រាប់ក្រុមរបស់លោក Jurgen Klopp ។

ក្រុមហង្សក្រហម Liverpool បានរងបរាជ័យក្នុងលទ្ធផល ១-០ ក្រោមថ្វីជើងក្រុម Inter Milan កាលពីយប់មិញ ប៉ុន្តែបានឈានទៅជុំបន្ទាប់ UEFA Champions League ជាមួយនឹងលទ្ធផលសរុបពីរជើង ២-១។

Liverpool បានឈ្នះពាន Carabao Cup រួចរាល់ហើយក្នុងរដូវកាលនេះ ហើយកំពុងស្វែងរកការឈ្នះពានរង្វាន់ Premier League និង FA Cup ផងដែរ។

Liverpool តាមពីក្រោយ ក្រុម Manchester City ៦ពិន្ទុ ដោយមានមួយប្រកួតក្នុងដៃ និងមួយប្រកួតទៀតនឹង ទៅសួរសុខទុក្ខពួកគេនៅកីឡដ្ឋាន Etihad ។

មិនមានក្រុមណា ធ្លាប់ឈ្នះពានរង្វាន់ Premier League, League Cup, FA Cup និង UEFA Champions League ក្នុងរដូវកាលតែមួយទេ។ Man Utd ធ្លាប់ឈ្នះពាន៣ក្នុងរដូវកាល១៩៩៨-៩៩ ពោលគឺ Premier League, FA Cup និង Champions League ខណៈ Man City បានធ្លាក់ត្រឹមវគ្គពាក់កណ្ដាលផ្ដាច់ព្រ័ត្រ Champions League បន្ទាប់ពីឈ្នះ Premier Leauge, FA Cup និង League Cup កាលពីរដូវកាល ២០១៨-១៩។

កុំភ្លេចរង់ចាំទស្សនា កម្មវិធី CBS Fantasy League ដែលចាក់ផ្សាយរៀងរាល់ថ្ងៃសុក្រ វេលាម៉ោង ២១:០០ – ២២:០០ នៅលើកញ្ចក់ទូរទស្សន៍ CTN ហ្វេសប៊ុកផេកផ្លូវការ CTN TV និង ហ្វេសប៊ុកផេក CBS Sport ។ បន្ទាប់មក នៅរៀងរាល់ចុងសប្ដាហ៍ ទស្សនិកជន ក៏អាចទស្សនាការប្រកួតក្របខណ្ឌ Premier League នៅ CTN និង MyTV បណ្ដើរ លេងឆាតកម្សាន្តបណ្តើរ តាមរយៈតេឡាក្រាមលេខទូរសព្ទ +85578666500 ប៉ុន្តែកុំភ្លេចដាក់រូបភាពពិតប្រាកដរបស់លោកអ្នកនៅតេឡេក្រាមផង ពេលនោះលោកអ្នក នឹងអាចឃើញសាររបស់លោកអ្នកនៅលើកញ្ចក់ទូរទស្សន៍៕

អត្ថបទទាក់ទង