Premier League Preview៖ ការប្រកួត Arsenal ទល់នឹង Leicester ផ្សាយបន្តផ្ទាល់នៅ CTN យប់នេះ

Premier League
March 13th, 2022 (3 years)
962 Views
Share

ការប្រកួតរវាងក្រុម Arsenal និង Leicester City នៅកីឡដ្ឋាន Emirates នៅយប់ថ្ងៃអាទិត្យនេះ នឹងមានផ្សាយបន្តផ្ទាល់ផ្ដាច់មុខនៅលើកញ្ចក់ទូរទស្សន៍ CTN ចាប់ពីម៉ោង១១:៣០នាទីយប់តទៅ។

កូនក្រុមរបស់លោក Mikel Arteta បានឈ្នះក្នុងការប្រកួតក្របខណ្ឌ Premier League ចំនួន៤ដងជាប់ៗគ្នា ដែលថ្មីៗនេះ បានលេងឈ្នះ ៣-២ នៅក្រៅដីលើ Watford ។

Leicester បានឈ្នះចំនួន ៤ដងជាប់ៗគ្នាផងដែរ នៅគ្រប់កម្មវិធីប្រកួតទាំងអស់ ជាមួយនឹងជ័យជម្នះថ្មីៗនេះលើក្រុម Rennes ២-០ ក្នុងពានរង្វាន់ Europa Conference League ។ ក្រុមកញ្ជ្រោង បានឈ្នះការប្រកួត២លើកចុងក្រោយរបស់ពួកគេក្នុងលីគ។

Emile Smith Rowe ត្រូវបានគេរំពឹងថា នឹងត្រលប់មកក្រុមវិញបន្ទាប់ពីឆ្លងកូវីដ១៩។ ទន្ទឹមនឹងនេះដែរ Takehiro Tomiyasu ទំនងជានឹងអវត្តមានសម្រាប់ការប្រកួតនេះសម្រាប់ Arsenal ដោយសារបញ្ហាកំភួនជើង។

ក្រុមរបស់លោក Brenden Rodgers នឹងអវត្តមានខ្សែប្រយុទ្ធ Jamie Vardy ដែលបានរងរបួសជង្គង់។ Wesley Fofana បានឆ្លងកូវីដ១៩។ Jonny Evans, Ryan Bertrand និង Timothy Castagne អវត្តមាន ខណៈ Ricardo Pereira ស្ថិតក្នុងមន្ទិលសង្ស័យក្រោយជាសះស្បើយពីបញ្ហាភ្លៅ។

នេះអាចជាជម្រើស១១នាក់ដំបូងរបស់ Arsenal ដែលអាចប្រើប្រាស់ទម្រង់ ៤-៣-៣ ៖

Aaron Ramsdale (GK); Cedric Soares (RB), Ben White (CB), Gabriel (CB), Kieran Tierney (LB); Granit Xhaka (CM), Thomas Partey (CM), Martin Odegaard (AM); Bukayo Saka (RW), Alexandre Lacazette (ST), Gabriel Martinelli (LW)

នេះអាចជាជម្រើស១១នាក់ដំបូងរបស់ Leicester ដែលអាចប្រើប្រាស់ទម្រង់ ៤-៣-៣ ៖

Kasper Schmeichel (GK); James Justin (RB), Daniel Amartey (CB), Caglar Soyuncu (CB), Luke Thomas (LB); Wilfred Ndidi (CM), Youri Tielemans (CM), James Maddison (AM); Marc Albrighton (RW), Kelechi Iheanacho (ST), Harvey Barnes (LW)

ក្រុមការងារនៅ CBS Sport បានទស្សន៍ទាយថា ក្រុមទាំងពីរ នឹងមានគ្រាប់បាល់សរុបរួមលើស៣គ្រាប់ ហើយលទ្ធផលសម្រាប់ការប្រកួតនោះគឺ ៖ Arsenal ៣-១ Leicester ។

ការប្រកួតផ្សាយបន្តផ្ទាល់សប្ដាហ៍នេះ៖

-Arsenal ប៉ះ Leicester ថ្ងៃអាទិត្យ ទី១៣ ខែមីនា ឆ្នាំ២០២២ ម៉ោង២៣:៣០នាទី នៅ CTN

កុំភ្លេចរង់ចាំទស្សនា កម្មវិធី CBS Fantasy League ដែលចាក់ផ្សាយរៀងរាល់ថ្ងៃសុក្រ វេលាម៉ោង ២១:០០ – ២២:០០ នៅលើកញ្ចក់ទូរទស្សន៍ CTN ហ្វេសប៊ុកផេកផ្លូវការ CTN TV និង ហ្វេសប៊ុកផេក CBS Sport ។ បន្ទាប់មក នៅរៀងរាល់ចុងសប្ដាហ៍ ទស្សនិកជន ក៏អាចទស្សនាការប្រកួតក្របខណ្ឌ Premier League នៅ CTN និង MyTV បណ្ដើរ លេងឆាតកម្សាន្តបណ្តើរ តាមរយៈតេឡាក្រាមលេខទូរសព្ទ +85578666500 ប៉ុន្តែកុំភ្លេចដាក់រូបភាពពិតប្រាកដរបស់លោកអ្នកនៅតេឡេក្រាមផង ពេលនោះលោកអ្នក នឹងអាចឃើញសាររបស់លោកអ្នកនៅលើកញ្ចក់ទូរទស្សន៍៕

អត្ថបទទាក់ទង