Man City ពឹងលើ Arsenal ដើម្បីក្ដាប់ចំណាត់ថ្នាក់កំពូលតារាងឱ្យបានរឹងមាំ

Premier League
March 15th, 2022 (3 years)
2677 Views
Share

Manchester City កំពុងនាំមុខ ៤ពិន្ទុលើគូប្រជែង Liverpool បន្ទាប់ពីការខកខានឱកាសយកឈ្នះ Crystal Palace នៅកីឡដ្ឋាន Selhurst Park ដែលបញ្ចប់ដោយការស្មើដោយគ្មានគ្រាប់បាល់។

Man Cityនឹងរំពឹងថា Arsenal នឹងអាចទទួលបានលទ្ធផលស្មើ ឬឈ្នះក្រុម Liverpool នៅកីឡដ្ឋាន Emirates ក្នុងការប្រកួតក្របខណ្ឌ Premier League នៅពាក់កណ្ដាលសប្ដាហ៍នេះ។ ក្រុមរបស់លោក Pep Guardiola បានលេងលើសក្រុមរបស់លោក Jurgen Klopp មួយប្រកួត ហើយភាគីទាំងពីរ នឹងជួបគ្នានៅកីឡដ្ឋាន Etihad ក្នុងខែមេសា។

កាលពី៨សប្តាហ៍មុន ការនាំមុខរបស់ Manchester City នៅលើកំពូលតារាង Premier League មាន ១៣ពិន្ទុ ទោះបីជា Liverpool ដែលស្ថិតក្នុងចំណាត់ថ្នាក់លេខ៣ នៅពេលនោះ មាន ២ប្រកួតក្នុងដៃក៏ដោយ។

បច្ចុប្បន្ន Man City មាន ៧០ពិន្ទុ Liverpool មាន ៦៦ពិន្ទុ សល់១ប្រកួតក្នុងដៃ ខណៈ Arsenal ដែលស្ថិតនៅចំណាត់ថ្នាក់លេខ៤ មាន ៥១ពិន្ទុ ក៏សម្លឹងមើលការក្ដាប់តំណែងសម្រាប់ការប្រកួត Champions League ផងដែរ ដោយក្រុមកាំភ្លើងធំ នៅសល់ ៣ប្រកួតក្នុងដៃ។

កុំភ្លេចរង់ចាំទស្សនាការប្រកួតនៃក្របខណ្ឌ Premier League នៅ CTN និង MyTV បណ្ដើរ លេងឆាតកម្សាន្តបណ្តើរ តាមរយៈតេឡាក្រាមលេខទូរសព្ទ +85578666500 ប៉ុន្តែកុំភ្លេចដាក់រូបភាពពិតប្រាកដរបស់លោកអ្នកនៅតេឡេក្រាមផង ពេលនោះលោកអ្នក នឹងអាចឃើញសាររបស់លោកអ្នកនៅលើកញ្ចក់ទូរទស្សន៍៕

អត្ថបទទាក់ទង