Raheem Sterling របស់ Man City ប្រកួតជាមួយព្រះអង្គម្ចាស់អង់គ្លេស ក្នុងការប្រកួតមិត្តភាពសប្បុរសធម៌

Premier League
March 23rd, 2022 (3 years)
2134 Views
Share

កីឡាករ Leon Bailey របស់ក្លិប Aston Villa និងកីឡាករអន្តរជាតិអង់គ្លេស និងក្រុម Man City Raheem Sterling បានចូលរួមក្នុងការប្រកួតបាល់ទាត់មិត្តភាពមួយ នៅប្រទេសចាម៉ៃកា ដែលមានវត្តមានរបស់ព្រះអង្គម្ចាស់ William របស់អង់គ្លេស កាលពីថ្ងៃអង្គារ ទី២២ ខែមីនា ឆ្នាំ២០២២។

ព្រះអង្គម្ចាស់ William បានលេងនៅក្នុងការប្រកួតបាល់ទាត់ជាមួយកីឡាករទាំងពីរ ខណៈដែលពួកគេ បានទៅដល់ទីក្រុង Trench ដើម្បីស្វាគមន៍កីឡាករបាល់ទាត់វ័យក្មេង និងក្រុម Jamaican bobsleigh ។ គូស្នេហ៍រាជវង្ស ត្រូវបានស្វាគមន៍យ៉ាងកក់ក្ដៅ ដោយហ្វូងមនុស្សយ៉ាងច្រើនកុះករ។

Sterling របស់ Manchester City ត្រូវបានផ្តល់ការអនុញ្ញាតពីគ្រូបង្វឹកក្រុមជម្រើសជាតិអង់គ្លេសលោក Gareth Southgate ដើម្បីជួយដល់មូលនិធិ Raheem Sterling ។ មូលនិធិសប្បុរសធម៌នេះ មានបំណងជួយយុវជននៅចាម៉ៃកា ដែលជួបការលំបាកដោយផ្តល់កន្លែងធ្វើការ និងអាហារូបករណ៍ នៅសាកលវិទ្យាល័យ។

ខ្សែបម្រើស្លាបរូបនេះ បានលេងក្នុងក្រុមជាមួយព្រះអង្គម្ចាស់ William ដែលត្រូវប៉ះគ្នា ក្នុងការប្រកួតទល់នឹងក្រុមរបស់កីឡាករចាម៉ៃកា Leon Bailey នៃក្រុម Aston Villa ។ ជាលទ្ធផល ក្រុមរបស់ Sterling និងព្រះអង្គម្ចាស់ William បានយកឈ្នះ ១-០ ដោយ Sterling ជាអ្នកស៊ុតបញ្ចូលទី។

កុំភ្លេចរង់ចាំទស្សនាការប្រកួតនៃក្របខណ្ឌ Premier League នៅ CTN និង MyTV បណ្ដើរ លេងឆាតកម្សាន្តបណ្តើរ តាមរយៈតេឡាក្រាមលេខទូរសព្ទ +85578666500 ប៉ុន្តែកុំភ្លេចដាក់រូបភាពពិតប្រាកដរបស់លោកអ្នកនៅតេឡេក្រាមផង ពេលនោះលោកអ្នក នឹងអាចឃើញសាររបស់លោកអ្នកនៅលើកញ្ចក់ទូរទស្សន៍៕

អត្ថបទទាក់ទង