Bruno Fernandes ជិតចុះកុងត្រាថ្មីរយៈពេល ៥ឆ្នាំ នៅ Manchester United

Premier League
March 25th, 2022 (3 years)
705 Views
Share

ទោះបីជាខ្សែបម្រើ Bruno Fernandes កីឡាករជម្រើសជាតិព័រទុយហ្គាល់វ័យ ២៧ឆ្នាំ នៅសល់រយៈពេល ៣ឆ្នាំទៀតលើកិច្ចសន្យាបច្ចុប្បន្នក៏ដោយ ថ្មីៗនេះ សារព័ត៌មាន BBC រាយការណ៍ថា Bruno នឹងចុះកុងត្រាថ្មីរយៈពេល ៥ឆ្នាំ នៅ Manchester United ។

ការមកដល់ក្នុងតម្លៃផ្ទេរ ៤៧លានផោនរបស់ Bruno ពីក្លិប Sporting Lisbon កាលពីឆ្នាំ២០២០ នៅពាក់កណ្ដាលរដូវកាល ជួយឱ្យក្រុម Man Utd ទទួលបានចំណាត់ថ្នាក់កំពូលទាំង៤ភ្លាមៗ បន្ទាប់ពីការចាប់ផ្ដើមរដូវកាល មិនបានល្អ។

ការពិភាក្សាបានជាប់គាំង ប៉ុន្តែឥឡូវនេះ Man Utd និង Bruno ឈានទៅរកកិច្ចព្រមព្រៀមថ្មីមួយ។ ការប្រកាសជាផ្លូវការ នឹងមិនធ្វើឡើង ក្នុងអំឡុងពេលសម្រាកអន្តរជាតិនាពេលបច្ចុប្បន្ននេះទេ ខណៈក្រុមជម្រើសជាតិព័រទុយហ្គាល់ កំពុងលេងវគ្គ Play-off ដើម្បីកក់សំបុត្រយន្តហោះទៅលេងនៅ World Cup ប្រទេសកាតា។

ទោះបីជាទម្រង់លេងរបស់គេ បានធ្លាក់ចុះចាប់តាំងពីគាត់បានឈ្នះពានរង្វាន់កីឡាករឆ្នើមប្រចាំខែសម្រាប់ក្របខណ្ឌ Premier League ចំនួន ៤នាក់ក្នុងឆ្នាំ២០២០ និងក្រុមប្រចាំឆ្នាំ កាលពីរដូវកាលមុនក៏ដោយ ក៏គេត្រូវបានគេចាត់ទុកថាជាផ្នែកមួយដ៏សំខាន់របស់ Man Utd ។

កុំភ្លេចរង់ចាំទស្សនាការប្រកួតនៃក្របខណ្ឌ Premier League នៅ CTN និង MyTV បណ្ដើរ លេងឆាតកម្សាន្តបណ្តើរ តាមរយៈតេឡាក្រាមលេខទូរសព្ទ +85578666500 ប៉ុន្តែកុំភ្លេចដាក់រូបភាពពិតប្រាកដរបស់លោកអ្នកនៅតេឡេក្រាមផង ពេលនោះលោកអ្នក នឹងអាចឃើញសាររបស់លោកអ្នកនៅលើកញ្ចក់ទូរទស្សន៍៕

អត្ថបទទាក់ទង