Cavani របួសនៅអ៊ុយរុយហ្គាយ នឹងមិនអាចលេងឱ្យ Man Utd ពេលប៉ះ Leicester នៅ EPL

Premier League
March 30th, 2022 (2 years)
598 Views
Share

ខ្សែប្រយុទ្ធ Edinson Cavani របស់ Manchester United នឹងមិនអាចបង្ហាញខ្លួនសម្រាប់ការប្រកួតរបស់ Manchester United ជាមួយ Leicester City នៅចុងសប្ដាហ៍នេះបានឡើយ ដោយសារតែរបួសពេលលេងឱ្យក្រុមជម្រើសជាតិអ៊ុយរុយហ្គាយ។

Cavani បានចូលរួមជាមួយអ៊ុយរុយហ្គាយសម្រាប់ការសម្រាកអន្តរជាតិ ហើយបង្ហាញខ្លួនទល់នឹងក្រុមឈីលី នៅយប់មិញ ក្នុងការប្រកួតជម្រុះ World Cup ។ Cavani បានរងរបួស ហើយត្រូវបានប្តូរចេញក្នុងរយៈពេលតិចជាង ៣០នាទីបន្ទាប់ពីចាប់ផ្ដើមការប្រកួត។

ខ្សែប្រយុទ្ធរូបនេះ ត្រូវបានជំនួសដោយ Luis Suarez ក្នុងការដែលក្រុមអ៊ុយរុយហ្គាយ បានឡើងទៅកាន់ការប្រកួត World Cup 2022 នៅប្រទេសកាតា។

Man Utd នឹងស្វាគមន៍ Leicester នៅកីឡដ្ឋាន Old Trafford ចុងសប្តាហ៍នេះទេ។ Cavani បានអវត្តមាន ២១ប្រកួត ក្នុងចំណោម ៣៩ប្រកួតរបស់ Man United នៅរដូវកាលនេះ។ ថ្មីៗនេះ Paul Pogba និង Raphael Varane បានជួបនូវបញ្ហារបួសផងដែរ ពេលចូលរួមជាមួយក្រុមជម្រើសជាតិបារាំង។

កុំភ្លេចរង់ចាំទស្សនាការប្រកួតនៃក្របខណ្ឌ Premier League នៅ CTN និង MyTV បណ្ដើរ លេងឆាតកម្សាន្តបណ្តើរ តាមរយៈតេឡាក្រាមលេខទូរសព្ទ +85578666500 ប៉ុន្តែកុំភ្លេចដាក់រូបភាពពិតប្រាកដរបស់លោកអ្នកនៅតេឡេក្រាមផង ពេលនោះលោកអ្នក នឹងអាចឃើញសាររបស់លោកអ្នកនៅលើកញ្ចក់ទូរទស្សន៍៕

អត្ថបទទាក់ទង